O Partido Popular recuperou este domingo o tradicional xantar do rural tras dous anos sen celebrarse por mor da pandemia e que contou coa asistencia de 300 colaboradores das 54 parroquias do municipio
O Presidente da Xunta local do PP foi o encargado de dar á benvida aos case 300 veciños e veciñas das 54 parroquias de Lugo que asistiron a este encontro de confraternidade.
Neste xantar ademais dos cargos autonómicos, nacionais e locais participaron a practica totalidade dos exalcaldes e exvoceiros do grupo popular dos últimos anos. “Todos acoden para sumar” manifestaba Carballo quen destacou que “o PP é un partido comprometido e sólido que traballa para ofrecer respostas aos problemas dos lucenses fronte a un bigoberno de Lugo que o único que lle importa é manter a coalición para seguir pisando moqueta”.
Ramón Carballo manifestou que “ademais de celebrar un encontro entre amigos, esta xuntanza serviu de espazo para lembrar, todos xuntos, a colaboradores dazona rural que xa non están conosco” personalizando a súa perda na figura de Manuel López, o concelleiro que se encargaba ata finais do ano 2021 da zona rural.
O popular manifestou que “sen el non está a ser o mesmo pero tamén sabemos que no PP, tal e como fai a xente do rural, sabemos repoñernos e iso nos dará forza para seguir defendendo os dereitos que tedes todos os que vivides na zona rural de Lugo. Ese é o compromiso que lle gustaría a el, e ese é a mellor homenaxe que hoxe lle podemos facer”.
Precisamente, o momento máis emotivo foi a entrega do II Premio Serafín Souto a título póstumo á filla do concelleiro finado. O seu compañeiro, o vicevoceiro do Grupo Municipal, Antonio Ameijide referiuse a Manolo do rural como “un home sinxelo, discreto e alegre. Manolo era boa xente, dos que buscaba consensos e evitaba conflitos. Ameijide concluía que afirmando que “del aprendemos esa cualidade tan necesaria hoxe como é a capacidade para chegar a consensos sen necesidade de insultos”. “Así era o noso Manolo do rural que disfrutaba cando ía as vosas casas e compartía os vosos problemas e as vosas alegrías coma un máis da familia. El nos contaxiaba a todos o orgullo de ser do rural”.
A Presidenta Provincial do PP de Lugo referiuse aos colaboradores que se achegaron a este xantar de confraternidade como “xente razoable e de palabra, á que non lle gusta o ruído, nin converter a política nun espectáculo”.
Elena Candia agradeceu a súa fidelidade “nunca nos fallais” defendendo que “mentres outros partidos políticos, esquécense das súas xentes e só se acordan por modas de revalorizar o rural, o PP sempre tivo claro de onde vén e cales son as súas raíces”.
“O rural está no ADN do PP e, como sabedes, no meu particular. Isto significa ademais que non falamos de espazos vacíos, senón de parroquias e aldeas cheas de oportunidades e de xente moi valente. Nós sentimos o rural, como o sentía, por exemplo, o poeta do Courel, Uxío Novoneyra: “a inviabilidade do rural é a invabilidade de Galicia” e, eu engado, “a inviabilidade do rural é a inviabilidade de Lugo”
Candia tamén lembraba ao concelleiro finado “moitos sentimos hoxe morriña de colaboradores e familiares que xa non están con nós, pero ao igual que estamos aflixidos sabemos que no Partido Popular somos capaces de adaptarnos a calquera situación e que temos fortaleza suficiente para recuperarnos”.
