Posta en valor 3 Patrimonios Humanidade Lugo/ 28.04.16

A cidade de Lugo conta con tres declaracións Patrimonio da Humanidade, a Muralla Romana, a Catedral, e o Camiño Primitivo, esta tripla distinción convértea nun dos Concellos máis distinguidos de España, o que obriga ás institucións públicas aínda máis se cabe, a reforzar as tarefas de vixilancia, conservación, protección e fomento do seu estudo.

Unha forma de poñer en valor os tres bens Patrimonio da Humanidade sería a través da creación dunha Mesa de Traballo formada por representantes de diferentes Administracións Públicas, así como por persoas expertas na materia, entre outros, os investigadores Don Ricardo Polín e Don Adolfo de Abel Vilela que realizaron valiosas traballos sobre o noso patrimonio como por exemplo sobre o Camiño Primitivo.

Esta Mesa de Traballo tería diversas funcións como son as de expor as medidas necesarias para a súa conservación e mantemento, executar as accións necesarias para a restauración ou rehabilitación dos diferentes elementos patrimoniais establecendo prioridades e normas ou supervisando actuacións, fomentar a investigación nas distintas manifestacións do patrimonio, ademais da difusión destes traballos para achegar o coñecemento do patrimonio histórico á sociedade no seu conxunto.

Por todo elo o Grupo Municipal del Partido Popular considera de interese municipal que o Pleno da Corporación Municipal ACORDE:

Crear unha Mesa de Traballo na que se invite a participar a representantes da Xunta de Galicia, Deputación Provincial, Obispado de Lugo, Universidade de Santiago de Compostela, expertos na materia como Don Ricardo Polín e Don Adolfo de Abel Vilela, e Asociacións como a de Amigos do Camiño de Santiago na provincia de Lugo, para coordinar os traballos de recuperación, mantemento e posta en valor dos tres bens Patrimonio da Humanidade como son a Muralla Romana, a Catedral e o Camiño Primitivo no tramo do Concello de Lugo.