VENRES 14 DE ABRIL DE 2024
- A voceira popular Elena Candia afirmou que “ao PSOE hai moito tempo que lle caeu a “O” de obreiro e o BNG ponse de perfil en decisións estruturais como é a xestión de persoal”.
- “O único posto que lles preocupa e que lles interesa a socialistas e nacionalistas é o do seu sillón” engandindo que “en materia de persoal o Concello de Lugo está “xestionando como unha patroal rancia, nin escoita, nin cumpre a palabra dada”
- A popular lembrou como o Partido Popular apoiou nos encontros que mantivemos cos representantes dos traballadores, (tanto antes como despois das eleccións os últimos celebrados o 16 de novembro e o 2 de febreiro), as diferentes reinvindicacións que os sindicatos (CSIF, CC:OO, CIG, UGT, AFI-USO e SPPLB) onte, de forma unánime, denunciaron
- Candia manifestou que os traballadores foron pacientes xa que moitas das reivindicacións que onte puxeron riba da mesa veñen do ano 2019 rexeitando as acusacións de deslealdade coas que o goberno local lles replica.
DESVÍO DE FONDOS DE PERSOAL A OUTROS GASTOS
- Durante o 2023 o goberno local derivou 1.2 M€ da partida de persoal para outros gastos “pouco transparentes e de dubidosa necesidade que deberían estar planificados con antelación” como por exemplo: o anticipo de caixa de 5.000 € para gastos de alcaldía; os 96.026 € para equipamento e mobiliario de Impulso Verde; 17.950,62 € centro de control móbil para videovixilancia do San Froilán ou os 36.058 para o Mercado Navideño.
- No que levamos de 2024 tamén quitou, desa mesma partida case 000 € que lle correspondían ao persoal para cuestións como pago de facturas de gas ou para facer o prego do mantemento dos parques infantis. É dicir, desvían diñeiro para pagar servizos que están privatizados.
- Estas prácticas confirman que “socialistas e nacionalistas cando gobernan fan todo o contrario do que dicen nos seus programas, e do que demandan onde non gobernan”
VALORACIÓN SENTENZA DEMOLEDORA URBANISMO
- Candia tamén valorou última sentenza demoledora, que vén de perder o Concello de Lugo, sobre a cobertura do posto da xefa de arquitectura manifestando que “a xestión de PSOE e BNG é ou ben INACCIÓN ABSOLUTA (onte o refrendada pola rolda de prensa de todos os sindicatos do Concello), esperando a que as cousas se solucionen por si soas, ou ben cando toman unha decisión fanno para impedir que a xente traballe.
- Para a popular esta forma de actuar do goberno local en materia de persoal obriga aos afectados a acudir aos tribunais. O Concello de Lugo perde, de forma sistemática, as sentenzas polo que os lucenses teñen que pagar as súas decisións erróneas.
- A popular insistiu en que no caso do posto da xefa de arquitectura, un área que é vox populi que esta bloqueada, queda demostrado tras ler a sentenza que “o goberno local impediu que unha persoa tomara posesión de forma intencionada”.
- Por último Candia remataba a súa comparecencia invitando á alcaldesa a que “asuma responsabilidades por este novo varapau xudicial” e recoñeza que “o seu erro con esta funcionaria” lembrando que ela era a responsable de urbanismo cando tiveron lugar estes feitos.
