A voceira do Partido Popular arranca a semana cun programa de visitas aos diferentes departamentos para presentarse, brindar a colaboración do Grupo Municipal, escoitar aos traballadores municipais e coñecer de primeira man as necesidades de cada área
Esta mañá quedou constituído o Grupo Municipal e entregouse en actas a documentación da súa composición logo da reunión de traballo que mantiveron os novos edís populares.
Esta mañá a voceira do Grupo Popular xunto co vicevoceiro popular iniciou unha rolda de visitas aos diferentes departamentos municipais para presentarse e poñerse a disposición dos traballadores do Concello. Os primeiros contactos foron co secretario e co interventor do concello.
Durante os próximos días o equipo de Elena Candia visitará o resto de dependencias municipais para coñecer as necesidades que ten o persoal da casa así como brindar a colaboración do Grupo Popular para impulsar medidas que redunden nunha mellora das prestacións á cidadanía.
AXENDA POPULAR
Esta semana tamén vanse reanudar os encontros veciñais cunha xuntanza o xoves ás oito no barrio de A Ponte; tamén haberá visita ao barrio do Sagrado Corazón e esta mesma tarde se vai constituír a primeira Mesa Sectorial de Migración na que participarán diferentes entidades que promoven accións cos colectivos de distintos países que residen en Lugo.
