Os concelleiros populares alertan da necesidade de mellorar a seguridade nesta zona de xogos xa que falta un tramo de varios metros do valado exterior, provocando o serio risco de caída por unha ladeira de varias decenas de metros
O parque infantil Marcos Cela precisa dunha intervención inmediata por parte do goberno local xa que presenta unha serie de deficiencias que poden poñer en risco a integridade dos pequenos que fagan uso desta zona de ocio.
O máis urxente é reparar o valado exterior desta zona verde, xa que rompeu e falta un tramo de varios metros, provocando un serio risca de caída por unha ladeira de varias decenas de metros. Na propia zona de xogos infantil urxe reparar o chan acolchado, xa que ten varias faltas e roturas, polo que non cumpre a súa función, sen esquecer a necesidade de mellorar o aseo da zona.
