O goberno local vén de anunciar o aumento de zonas de carga e descarga no centro como solución ao malestar provocado pola súa propia falta de planificación na implantación das Zonas de Baixa Emisións. Estamos diante dunha decisión que chega tarde, que é incompleta e que evidencia unha xestión marcada pola reacción e non pola previsión.
Os populares destacan a importancia de deseñar medidas adecuadas para garantir a accesibilidade nas ZBE, subliñando que este proceso debe ser serio, rigoroso, fundamentado no consenso e desenvolvido con total transparencia.
Dende o grupo municipal popular acusan ao bipartido de que “nin escoita aos veciños, nin pensa nos intereses da cidade e que ignoran cuestións importantes para o sector que segue a ter o problema da rixidez de horarios e as limitacións de tamaño dos vehículos
Tamén é chamativo que o goberno local deixase fóra da reunión un sector esencial, en alusión a que non se convocou aos representantes da paquetería
Dende o Partido Popular queremos tamén lembrar que presentamos as nosas propostas para mellorar a mobilidade no casco histórico o pasado 16 de outubro e que o bipartito, tamén incapaz de escoitar á oposición, non tivo a ben sentarse con nós para poder, alomenos, debatilas.
Tendo en conta que o goberno local mantivo reunións coas empresas de transportes no mes de maio e que agora, a piques de rematar o ano, non ten avanzado na solución dos problemas que se lle presentaron consideramos que “esta falta de planificación só pode provocar máis problemas e atrasos a mobilidade do futuro do noso casco histórico”
Asemesmo preguntámonos que decisión vai adoptar o concelleiro de mobilidade, Rubén Arroxo, diante desta situación, lembrando que o 21 de maio de 2024 asinou un decreto limitando o acceso de vehículos ás ZBE cun peso maior de 3.500 kg sen dar alternativas aos colectivos afectados e, nese senso, plantexan aos nacionalistas se nas alegacións á ordenanza que se está a preparar van presentar propostas na liña do marcaba este decreto
