El portavoz del Grupo Municipal del Partido Popular Antonio Ameijide considera “prioritario” sacar a licitación los contratos caducados ya que “esta misma semana se pagaron nuevas facturas con reparos de legalidad” por valor de 1,7 millóns de euros, lo que deja el total en lo que va de año por encima de los 11 millones de euros
O voceiro do Grupo Municipal do Partido Popular Antonio Ameijide trasladoulle esta mañá á alcaldesa de Lugo Lara Méndez as prioridades dos populares para acadar o modelo de cidade que merecen os lucenses. Ameijide expúxolle a Méndez que “no PP entedemos que hai catro eixes fundamentais para acadar o Lugo que todos queremos, como son a xestión municipal; a creación de emprego e a capacidade para captar investimentos; o proxecto de cidade e as obras principais, a mobilidade e o transporte; e as accións a desenvolver na zona rural”.
No referente á xestión municipal, o voceiro popular expresoulle a Méndez a necesidade de sacar a licitación todos os contratos caducados. Neste primeiro punto Ameijide recordoulle á rexedora lucense que “esta mesma semana se pagaron máis de 1,7 millóns de € en facturas con reparos de legaliade a Urbaser e Gestagua, dúas empresas cos contratos caducados o que deixa o total no que vai de ano en 11.201.385€”. Ademais, o popular asegurou que “é urxente” resolver os problemas de persoal do Concello e a coordinación do goberno e cos diferentes servizos municipais para acadar maior eficiencia e unha mellor atención aos cidadáns.
Neste primeiro punto, Ameijide tamén expuxo as preocupacións dos populares no que atinxe a urbanismo. “É preciso aprobar o Plan Xeral de Ordenación Urbanística, pero tamén cómpre revisar o PEPRI, solucionar o problema que o Concello ten co Garañón e que nos fagan partícipes do DUSI, xa que polo de agora non coñecemos ninguna das propostas deste plan e os populares temos moito que aportar”, asegurou o popular. Pero para acadar unha mellor xestión hai que mellorar a xestión económica municipal, circunstancia que permitiría “axilizar a resolución de axudas sociais”.
O popular amosoulle a Méndez a realidade do Concello, xa que os populares son o grupo maioritario da corporación, “polo que temos moito que dicir no día a día do Concello, e sirva de exemplo o bloqueo que ordenanza fiscal 152, reguladora das taxas por aproveitamentos especiais da vía pública, que era moi lesiva para os lucenses ou a aprobación da modificación orzamentaria para desbloquear inversións na cidade”.
Dende o Grupo Popular vese “prioritario” xerar emprego e captar investimentos para Lugo polo que “propoñemos converter a Lugo nun referente turístico e así xerar unha nova fonte creadora de riqueza e emprego Ademais hai que incentivar o investimento e a creación de empresas en Lugo. Temos todo para que os inversores vexan a Lugo como unha opción para traer as súas empresas, solo industrial de primeira categoría como o polígono das Gándaras e unha situación loxística envexable, polo que habería que desenvolver un programa de captación de inversores para Lugo”.
De cara a mellorar o transporte público “algo que reclaman a diario os vecinos”, Ameijide explicou que “nos atopamos ante a oportunidade de acadar esa cidade de primeira para os lucenses, pero hai que facela entre todos”. Para iso é preciso mellorar o transporte urbano, “algo para o que hai que escoitar aos vecinos, xa que eles son os que o empregan”, mellorar o mantemento viario, a limpeza, facilitar a mobilidade aos cidadáns con “actuacións fundamentais para Lugo” como o desdoblamento de Duquesa Lugo, a construcción da praia fluvial e a eliminación de tapóns urbanísticos.
E no Grupo Popular non nos esquecemos da zona rural, “porque Lugo non se entende sen o rural”. Para iso hai que adaptar os núcleos rurais á nova lexislación, avanzar no saneamento, realizar un plan de infraestruturas para solventar os problemas nas pistas, mellorar a sinalización e dinamizar as escolas rurais. Levar o saneamento e o abastecemento a todas as parroquias do Concello. Realizar un plan de valoración de elementos patrimoniais e culturais da zona rural e, por suposto, axilizar a concesión de licenzas para as explotacións, xa que na actualidade os solicitantes teñen que agardar unha media de dous anos pola licenza.
Antonio Ameijide finalizou a súa entrevista con Lara Méndez amosándolle que “a situación actual do Concello é peor que a que ela se atopou cando chegou á alcaldía”. Ademais, Ameijide engadíu que “hai moito traballo por diante no Concello para mellorar e acadar a cidade que merecen os lucenses e que para iso a alcaldesa ten que escoitar ao grupo maioritario do pleno, xa que temos numerosas propostas, moitas delas fundamentais para sacar a Lugo da parálise na que esta alcaldesa e os seus cómplices nos meteron un fatídico xuño de 2015”.
