Los populares alcanzaron el compromiso del gobierno local para proceder a la eliminación de los tapones urbanísticos históricos para mejorar la seguridad y movilidad en los barrios de Lugo.
A demanda de supresión de tapóns urbanísticos na cidade non é nova, nos anos 90 nos gobernos do PP levouse a cabo a supresión de medio cento deste tipo de tapóns, pero dende o ano 2000 coa chegada o goberno do PSOE este ritmo retardouse, é por elo que case todos os grupos políticos, dende o PP ao BNG, trouxemos durante estes anos iniciativas encamiñadas á eliminación destes obstáculos á circulación e xeradores de perigo para as persoas tanto peóns como os propios condutores.
En febreiro de 2020 o GMPP presentou ante este pleno unha iniciativa para a elaboración dun censo de tapóns urbanísticos e para a posta en marcha dun plan de supresión dos mesmos. Dita iniciativa foi aprobada por unanimidade.
Pero, a día de hoxe a cidade conserva, aínda, demasiados tapóns urbanísticos nas súas rúas. En pleno século XXI atopámonos, na práctica totalidade dos barrios de Lugo, con rúas e beirarrúas que se estreitan porque se atopan con edificios, muros ou fincas creando tapóns urbanísticos que entorpecen o tráfico e a mobilidade dos peóns, creando en ocasións, non só dificultades á circulación, senón mesmo creando perigo para os propios peóns.
Co ánimo de devolver espazos públicos á veciñanza reclamamos, novamente, que o goberno local leve a cabo unha planificación que impulse a eliminación destes obstáculos en vía pública, que son reiteradamente denunciados pola veciñanza da nosa cidade.
Resulta evidente que é imposible eliminar todos os tapóns urbanísticos que existen na cidade de golpe, tanto pola complexidade administrativa como pola carga económica pero, en calquera caso é preciso afrontar esta problemática sen máis demora para que estas barreiras se supriman no menor tempo posible.
Algúns dos barrios e puntos afectados serían Rúa Amizade, Camiño de Pipín, Camiño de Friás entre o Sagrado Corazón e Galegos, Carril das Hortas entre Fontiñas e Rei Don García, Rúa San Xillao entre Fontiñas e Rei Don García, Xosé Novo Freire entre Ronda das Mercedes e Praza Fonte do Rei, Rúa Mazaira, Rúa Rof Codina, Rúa Ramos Misioné, Juana La Loca, Dona Urraca, Revista Ronsel, Rei Chiquito ou Orquídea, entre outros…
Sería conveniente priorizar ás actuacións e iniciar os trámites para eliminar os tapóns nos puntos máis perigosos para os cidadáns, ben porque están na contorna de centros escolares, garderías, instalacións deportivas, centros de maiores e non queda espazo para o paso dos peóns, ou ben porque xeran importantes atascos e problemas na circulación do tráfico na cidade, continuando de xeito progresivo para eliminar os demais.
Por todo isto, o Grupo Municipal do Partido Popular, que subscribe esta proposición, considera de interese municipal que o Pleno da Corporación Municipal acorde e cumpra os puntos de acordo que a continuación se detallan e xa foron aprobados en outro plenos:
- A elaboración dun censo de tapóns urbanísticos que hai na cidade de Lugo.
- Posta en marcha dun plan de supresión de tapóns urbanísticos dotado das partidas económicas suficientes e no que se estableza unha planificación priorizando as que máis risco xeran aos peóns e máis dificulten a mobilidade na cidade.
