Los populares achacan a la cercanía de las elecciones el cambio de criterio de la regidora que ahora renuncia públicamente a esta infraestructura que exigía a la Xunta de Galicia hasta ayer mismo
Lara Méndez renunciou hoxe a que se finalice a Ronda Leste. A rexedora, nun claro acto de seguidismo político a Rubén Arroxo, posicionouse do lado do BNG ao votar a favor de pedir que o orzamento para a Ronda Leste se destinase á rehabilitación da Tinería.
Ata o día de hoxe, Lara Méndez e os concelleiros socialistas sempre reivindicaron e defenderon que a Xunta de Galicia rematase a Ronda Leste de Lugo pero “hoxe amosáronse sumisos e seguramente por un órdago dos seus socios de goberno” votaron en contra de rematar esta necesaria infraestrutura.
O pasado 14 de decembro, Lara Méndez en declaracións a medios de comunicación afirmou que “é unha infraestrutura imprescindible para o desenvolvemento da cidade”, pero agora amosa “unha total ausencia de coherencia” seguramente polo nerviosismo instalado no PSOE pola proximidade das municipais.
Unha situación ante que o PP acusa a PSOE e BNG de converter o pleno do Concello de Lugo nun constante mitin político. Nunca presentaron iniciativa algunha, pero nos últimos plenos “vimos como defenderon un aluvión de iniciativas para facer oposición a Elena Candia”.
Ramón Carballo denuncia que tanto Lara Méndez como Rubén Arroxo “fan un uso partidista dun órgano que debería de empregarse para facer cidade e chegar a consensos” pero que “desprezan ao negarse a cumprir os poucos acordos plenarios aos que permiten chegar cando non aplican o rodillo”.
Algúns deses exemplos “son a recuperación dos habituais soliloquios de Lara Méndez para emendar as palabras dos seus concelleiros e atacar, sen posibilidade de réplica, aos concelleiros populares e a candidata á alcaldía do PP e o feito de que o BNG comezou a intervir en todos os plenos, en lugar do seu habitual silencio”.
Ordenanza de urbanismo
Os populares critican que o goberno de Lara Méndez presume de que vai a desbloquear a área de urbanismo coa aprobación que realizaron hoxe, o PP votou en contra, dunha ordenanza de urbanismo que din “ser consensuada” pero da que rexeitaron 80 alegacións presentadas polos colexios profesionais do sector e do propio Partido Popular.
“Queda patente a falta de humildade e nula capacidade de diálogo que atesora Lara Méndez tras ver como a rexedora rexeitou o 97% das alegacións que se realizaron por parte dos diferentes colectivos profesionais e do Partido Popular e aplica o rodillo”, denuncia.
PXOM
Os populares tildan de electoralista o anuncio realizado hoxe polo goberno de Lara Méndez de “someter a aprobación definitiva do pleno o 5% restante do PXOM no mes de abril” unha decisión “que non se pode entender” despois de que o Concello de Lugo ten o visto e prace da Xunta de Galicia dende setembro.
Corredor Atlántico
Os populares agardan que o Goberno central escoite as reivindicacións de Galicia, Asturias, Castela e León e o País Vasco e impulse o Corredor Atlántico e, sobre todo, teña a Lugo en conta e o incorpore a esta necesaria infraestrutura xa que, polo momento, o municipio queda fóra.
