El viceportavoz popular Antonio Ameijide denuncia que “no se dio ni un solo paso casi un año después de acordar en el pleno el desdoblamiento de Duquesa de Lugo, una intervención pendiente de los gobiernos socialistas desde el siglo pasado”
O popular aféalles aos socialistas non ter dado cumprimento ao acordo plenario de decembro de 2015 para o desdobramento da rúa Duquesa de Lugo, “pendente dende que o PSOE chegou á alcaldía de Lugo o século pasado”, nos treitos comprendidos entre Paulo Fabio Máximo e a rotonda á altura da rúa Garaballa de Arriba así como entre o centro comercial e a rotonda de Benigno Rivera, xa no polígono do Ceao.
A ese respecto, os populares reclaman “á maior brevidade posible” a implementación dunha actuación “global” que abranga tanto o inicio dos estudos, tramitacións e proxectos precisos para levar a cabo o desdobramento dos treitos pendentes, así como para contemplar a instalación do alumeado público ao longo da avenida e dotala de beirarrúas nos centos de metros nos que non as hai”.
Así mesmo, Ameijide reprocha aos socialistas o incumprimento “dos compromisos que o novo goberno formulou publicamente”, en referencia a que nin se avanzou para crear un carril bici alí como anunciaran en marzo deste ano nin tampouco transformaron en rotonda a intersección que da acceso ao parking do centro comercial de As Termas(intervención aprobada na xunta de goberno do 31 de agosto e que tiña como prazo de execución dous meses.
A Fervedoira.-
No relativo á Fervedoira, o vicevoceiro popular reclama que “non quede tampouco no caixón a intervención que levamos anos reivindicando dende o Grupo Municipal do Partido Popular”, en alusión á corrección de “situacións de claro risco” que se están a xerar no treito da N-640, como é o caso das inmediacións das paradas de autobús, “ás que se chega sen que haxa beirarrúas que dean certidume aos usuarios e ás que non se pode atravesar dende o outro lado da estrada debido á inexistencia de pasos de peóns”. “Hai que lembrar que o Concello é titular deste tramo dende 2011 e dende entón nin o anterior goberno nin o novo se preocuparon por dar respostas”, expón. Ameijide lembrou que en maio de 2015 se aprobou por unanimidade unha proposición relativa á mellora do tráfico e a seguridade viaria.
Por último, Antonio Ameijide conclúe que “xa deixando a un lado a imaxe negativa que supón para o municipio ter dous dos seus principais accesos nestas condicións francamente mellorables, estamos a falar de que simplemente coa iluminación e a dotación de beirarrúas e pasos de cebra se garantirían moito máis a seguridade de condutores pero sobre todo dos peóns en puntos especialmente conflitivos”.
