![](https://www.ppdelugo.com/wp-content/uploads/2021/10/P1130220-min-scaled.jpg)
Pese a la negativa de PSOE y BNG para hacer una auditoría para que devuelvan de oficio lo que se cobró de más en los recibos del agua los populares anuncian que seguirán tramitando desde la oficina del Grupo
No que levamos de ano un total de 240 lucenses presentaron reclamacións por recibir liquidacións da taxa de “auga, lixo, sumidoiros e canon Xunta” por importes excesivos.
Como xa ten confirmado en comisións de pleno e na resposta as reclamacións feitas por estos usuarios, unha parte importante destas liquidacións ven incrementado o seu importe pola falta de lectura dos contadores en trimestres previos. Esta falta de lectura leva a que o consumo se acumule e que o incremento de pasos eleve a liquidación ao aplicar un coste por m3 de auga maior xa que se trata dunha taxa progresiva.
Como queira que únicamente se está a dar resposta ás reclamacións presentadas e que unha parte importante da poboación, por descoñecemento ou por falla de tempo non están en situación de facer dita reclamación, parece de dereito que o Concello de Lugo asuma a responsabilidade da súa neglixencia e realice una “auditoría” dirixida a detectar todos e cada un dos fallos que provocaron un desaxuste nas liquidacións desta taxa e que, a continuación, proceda a devolver os importes cobrados indebidamente sen necesidade de que exista unha reclamación previa do titular.
Por outra banda, como tamén ten recoñecido o departamento de augas do Concello, en algúns casos, cando non se pode facer a lectura do contador, procédese a facer unha estimación do consumo realizado polos habitantes do domicilio obxecto da liquidación, polo que é mester aclarar o tipo de modelo de estimación que se aplica.
Por todo isto o Grupo Municipal do Partido Popular, que subscribe esta proposición, propón unir os esforzos de todos e considera de interese municipal que o Pleno da Corporación Municipal acorde:
Iniciar unha auditoría para de xeito inmediato os detectar todos os casos nos que a liquidación aos cidadáns da taxa de auga, lixo e sumidoiros non se fixo de xeito correcto e proceder á subsanación dos mesmos de oficio coa correspondente devolución dos importes cobrados indebidamente.
Establecer nas ordenanzas fiscais 107 e 109 o procedemento para realizar a estimación de consumo cando non é posible facer a lectura real dos contadores da auga.