El vicevoceiro del Grupo Municipal del PP Antonio Ameijide defiende que la entrada en vigor de las nuevas líneas debían de acompañarse de la puesta en marcha de diversas medidas, aprobadas en pleno a iniciativa del PP, para hacer el transporte urbano más atractivo para los lucenses
O vicevoceiro do Grupo Municipal do Partido Popular no Concello de Lugo, Antonio Ameijide, anuncia que se defenderá no vindeiro pleno unha iniciativa para que o goberno local dea luz verde aos transbordos gratuítos no transporte urbano e cree unha APP móbil para planificar rutas e poder ver en tempo real onde se atopan os autobuses.
Explica Antonio Ameijide que o seu grupo “vese na obriga” de defender de novo estas medidas, xa elevadas ao pleno en xaneiro deste ano polos populares e aprobadas co voto a favor de Rubén Arroxo e o seu grupo, ante a negativa do vicealcalde e a alcaldesa a poñer en marcha as medidas sociais propostas e que son:
- Gratuidade do servizo para menores de 18 anos, parados, xubilados e familias con escasos recursos
- Transbordos gratuítos
- Creación dunha APP móbil para planificar rutas e poder ver en tempo real onde se atopan os autobuses
A entrada en vigor das novas liñas de transporte urbano o pasado 1 de xuño xerou numerosas queixas entre a cidadanía xa que agora ven os lucenses como desprazamentos que antes podían facer no bus urbano agora son imposibles ou encareceron o seu custo xa que é preciso coller varios autobuses.
Neste senso, os populares tamén defenderán a convocatoria urxente e inmediata da mesa de transporte para poñer sobre a mesa todas as eivas detectadas polos populares e tamén as denunciadas pola cidadanía para poder buscar a mellor solución posible e así acadar un servizo de transporte público no municipio que dea resposta ás necesidades reais dos cidadáns.
Unha vez convocada a mesa do transporte, os concelleiros populares presentarán alí un documento con todas as eivas detectadas e as reclamacións realizadas polos diferentes colectivos veciñais cos que se realizan xuntanzas.
