Los populares explican que, según técnicos municipales, renovar todas las luminarias de Lugo (tanto zona urbana como rural) costaría unos 8M€ aproximadamente, pero de haber solicitado los fondos europeos para este fin, Europa asumiría el 80% del gasto total, desembolsando el Ayuntamiento 1.6M€ aproximadamente
Os concelleiros do PP amosaron a súa sorpresa despois de ler nos medios de comunicación como Rubén Arroxo anunciou que quere renovar nos próximos catro anos as luminarias do municipio a LED para aforrar custes.
Para os populares, este anuncio “é totalmente electoralista” e “está fóra de lugar”.
Dende o PP argumentan que neste mandato Rubén Arroxo gastou algo máis de 3M€ en renovar o alumeado dunhas poucas rúas, “cando puido renovar o alumeado de todo o municipio (zona urbana e parroquias do rural) por 1.6M€ aproximadamente”, se houbese solicitado as axudas ás que tiña acceso en novembro de 2020.
Os populares explican que, segundo técnicos municipais, cambiar a LED todas as luminarias do municipio tería un custe duns 8M€. Dende Europa había dispoñibles unha serie de axudas para este fin, para aforrar custes eléctricos e minimizar a pegada de carbono, pero nin Lara Méndez nin Rubén Arroxo tiveron a ben solicitar estas axudas.
Para os populares, que o Concello de Lugo non solicitase estas axudas débese a que infraestruturas depende do BNG e a solicitude de fondos europeos depende do PSOE, polo que “ningún dos socios de goberno vai a mover un dedo para que o rival saque unha foto”.
Como os fondos europeos son competencia do PSOE e que a iluminación depende da área de infraestructuras do BNG, os nacionalistas renunciaron a pedir a subvención a proxectos singulares de entidade locais que favorezan o paso a unha economía baixa en carbono no marco do programa operativo FEDER de crecemento sostible 2014-2020”. Na convocatoria repartíronse preto de 1.000 millóns de euros, cos que se financiaban o 80% de cada proxecto. “Así, a renovación de todas as luminarias do municipio suporía para o Concello de Lugo 1.6M€, a metade do investido por Arroxo neste mandato para cambiar o alumeado dun puñado de rúas”, sinalan, cando puido facelo por menos da metade do investido.
Os populares deixan claro que dende a alcaldía do Concello de Lugo “renovaremos o alumeado de todo o municipio, instalando ademais sensores de presenza, diminuíndo a contaminación lumínica pero sempre asegurando unha iluminación suficiente para garantir a seguridade”.
Outros exemplos de renuncias a fondos europeos
As constantes pelexas entre Lara Méndez e Rubén Arroxo tamén provocaron que “se solicitase, se obtiveses e logo se renunciase” a unha subvención de 2.5M€ para instalar unha central de biomasa no entorno do campus, unha infraestrutura que abastecería ao campus, ás pistas de atletismo (módulo cuberto e pistas ao aire libre) e piscina de As Pedreiras e podería estudarse que abastecera tamén ao Pazo Provincial dos Deportes.
Pola competición entre a alcaldesa e o vicealcalde, os lucenses tamén perdemos unha axuda do Idae, que se tivo concedida e á que tamén se renunciou, que concedía 616.909,99€ para crear unha planta de biogás na Edar (depuradora) de Lugo e que podería xerar riqueza para o municipio “financiamento que se podería destinar á melloras necesarias en Lugo”.
