El concejal del Grupo Municipal del PP Manuel López denuncia que los vecinos ya pidieron en numerosas ocasiones el arreglo de esta pista, pero hasta el momento el gobierno socialista no dio solución su demanda, pese la que no hay mucho que se envió a la brigada del rural la esta parroquia para arreglar diversos incidentes
O concelleiro do Grupo Municipal do Partido Popular no Concello de Lugo, Manuel López, denuncia o “nefasto” estado que presenta a pista do Cuco, na parroquia de Conturiz, un camiño empregado moito polos veciños da zona e que se atopan nunhas condicións que complican moito o paso de vehículos, ademais de ser unha pista “fundamental” para os veciños, xa que é o único acceso que teñen nesta zona.
Manuel López “non ve normal” que unha pista que ten un tránsito tan alto de vehículos e que mide uns 100 metros non se arranxe para dar solución ás demandas dos veciños de Conturiz. A imaxe deste tramo de estrada é “lamentable”, con moita grava solta e fochancas, e que se podería solucionar con algo tan sinxelo como un “aglomerado”.
Por iso, o concelleiro popular urxe ao goberno socialista de Lugo a arranxar esta situación canto antes para evitar máis molestias aos usuarios desta vía e veciños da zona, sobre todo se temos en conta que non hai moito tempo que se enviou á brigada da zona rural a esta parroquia a solucionar diferentes incidencias e se deixou esta pista “sen tocar”. A única explicación para Manuel López é que os socialistas “arranxan os problemas que lles presentan os seus amigos, mentres que se esquecen dos problemas do resto de cidadáns”.
