El concejal del Grupo Municipal del PP Óscar Poy recuerda a Mauricio Repetto que ayer votó en contra de una iniciativa del PP para abrir los pabellones de los CEIPs para que los lucenses habían podido jugar una pachanga con amigos alegando que “no hay vestuarios ni duchas”
O concelleiro do Grupo Municipal do Partido Popular no Concello de Lugo, Óscar Poy, pide a Mauricio Repetto “traballo” para corrixir unha denuncia que leva semanas latente, como é que non funciona a caldeira, o que provoca que non haxa auga quente nas duchas.
Óscar Poy fai este chamamento agora que os protocolos covid permiten que se volvan a usar os vestiarios e as duchas, sobre todo para facilitar que todos os usuarios poidan ducharse antes de volver a casa e para evitar sancións innecesarias a calquera dos clubs que empregan as instalacións para xogar os seus encontros oficiais. Recorda o concelleiro popular que segundo a normativa das respectivas federacións autonómicas “é obrigatorio que haxa auga quente nos vestiarios dos equipos e dos árbitros” e, no caso de que non sexa así, os clubs expóñense a unha sanción por parte da súa respectiva federación “unicamente por culpa do Concello de Lugo”.
Ante esta situación, Óscar Poy pide traballo e dilixencia ao responsable municipal de deportes para devolver As Pedreiras a unha situación de normalidade para todos os usuarios.
Actualización protocolos covid
Óscar Poy aproveita a ocasión para pedir a Mauricio Repetto que estude a posibilidade de actualizar os protocolos covid nas instalacións deportivas municipais.
O concelleiro popular fai este chamamento porque dende o comezo da pandemia a area de deportes actualizou constantemente os protocolos covid, adaptándoos en cada momento á situación sanitaria existente, algo que non se está a facer agora mesmo.
