El portavoz del Grupo Municipal del PP Antonio Ameijide lamenta que en Lugo estemos pagando el nulo peso político que Lara Méndez tiene dentro de su partido, parece que “no pinta nada”, ya que después de la presión ejercida desde Santiago de Compostela el delegado del Gobierno en Galicia confirmó que el gobierno de Pedro Sánchez dotará a la capital gallega de un nuevo juzgado del Social, como ya había hecho días antes con Vigo, pero el PSOE sigue negando a Lugo esta demanda “más que justificada”
O voceiro do Grupo Municipal do Partido Popular no Concello de Lugo, Antonio Ameijide, lamenta “profundamente” as palabras do delegado do Goberno en Galicia, Javier Losada, que veñen a confirmar “unha realidade que xa coñecíamos todos: o nulo peso de Lara Méndez no seu partido” xa que Losada vén de confirmar que o goberno central da marcha atrás e dotará a Santiago de Compostela dun novo xulgado do Social, negando esta mesma petición a Lugo.
Antonio Ameijide confirma que Lara Méndez “non pinta nada” no PSOE, xa que a presión que se exerceu desde Santiago de Compostela deu os seus froitos e o goberno de Pedro Sánchez decidiu rectificar e dotar á capital galega dese novo xulgado. “Non queremos que a Santiago lle retiren ese xulgado, o único que pedimos é que en Lugo tamén temos unha gran necesidade dun novo xulgado do Social, polo que queremos que nos traten do mesmo xeito que ao resto de cidades”, afirmou o popular.
A situación non se entende xa que os custes da creación deste novo xulgado do Social en Lugo os asumiría a Xunta de Galicia, polo que a única explicación a que o PSOE negue a creación dun novo xulgado do Social en Lugo é “o ninguneo” de Pedro Sánchez á alcaldesa e o “desprezo” do goberno do PSOE a Lugo.
Segundo o popular estamos ante un “novo insulto” do Goberno de Pedro Sánchez a Lugo, que tamén se viu reflectido noutros casos como os presupostos do Estado para Lugo e os “nulos” compromisos coa futura estación intermodal de Lugo. Unha auténtica “puñalada” que Lara Méndez tentou tapar cunha declaración institucional xa que a alcaldesa sabía “desta negativa á creación” do goberno central.
Por esa razón, o Grupo Popular solicitou a convocatoria urxente dunha xunta de voceiros para que Lara Méndez explique o motivo de querer tapar esta “puñalada” do PSOE a Lugo, xa que coas súas accións demostra que prefire “estar calada” a denunciar a situación de discriminación á que somete a Lugo o seu partido.
Para Antonio Ameijide a situación é máis grave despois de que os socialistas lucenses convidarán o pasado domingo á vicepresidenta do Goberno, Carmen Calvo, para tapar un novo ninguneo do goberno de Pedro Sánchez a Lugo, desprezos que se permiten co beneplácito e a complicidade da alcaldesa e do goberno local.
