El PP denuncia que solo el 17% de las licencias resueltas en 2020 se concedieron dentro del plazo legal

El vicevoceiro del Grupo Municipal del PP Antonio Ameijide explica que el gobierno local solo concedió en los 90 días de plazo que marca la ley 28 de las 162 licencias que se aprobaron dentro del casco urbano, lo que es un síntoma claro de un gobierno bloqueado y paralizado, que lastra la creación de empleo y el crecimiento de la ciudad

Despois de que os concelleiros do Grupo Municipal Popular desvelaran os “alarmantes” datos sobre a concesión de licenzas de obra nas parroquias do rural, 684 días de media se tardou en resolver cada expediente en 2020, agora é a quenda das licenzas no eido urbano, onde o dato “non é tan alarmante, pero si preocupante”, xa que no 2020 se tardou unha media de 330 días en resolver cada expediente.

Antonio Ameijide amosouse moi preocupado despois de analizar estes datos aos que se engaden as revelacións feitas polo ex concelleiro de Urbanismo, Miguel Couto, que asegurou que nese departamento hai graves problemas e que os diferentes planeamentos están paralizados.

Para o popular os datos sobre a resolución de licenzas unidos as confesións de Couto deixan un panorama “desolador” para a alcaldesa, que en vez de axilizar e desbloquear os expedientes de peticións de obras segue a perpetuar estes trámites.

No informe que elaborou o Grupo Municipal Popular deixa datos moi alarmantes, como que este goberno local o bigoberno  só conseguiu resolver 28 licenzas dentro do prazo legal establecido (90 días) das 162 que se concederon. “En todo o 2020 só resolveron en prazo o 17.28% das solicitudes de licenza dentro do casco urbano, se Lara Méndez segue a negar este feito ou segue sen ver un problema a realidade innegable é que se está a facer trampas ao solitario”, afirmou.

O popular analiza as licenzas segundo a súa finalidade e pode verse como ningún dos eidos avaliados cumpre coa lexislación vixente: resolver en 90 días. Datos que se poden comprobar na seguinte táboa:

A realidade é que Lara Méndez está a poñer en risco numerosos postos de traballo, xa que a construción é un dos principais motores económicos da cidade, polo que o que está a facer a rexedora “é frustrar” as posibilidades de crecemento da cidade nun momento moi complicado, polo que é preciso “ter unha reacción inmediata”.

Neste punto, o popular destaca que tan só nas licencias concedidas polo Concello de Lugo durante o 2020 se xerou un volume de negocio de 23M€, un dato que é revelador, xa que se o goberno local se puxera a traballar para desatascar as licenzas que teñen en caixóns o volume de negocio sería moito maior. “Preguntamos á alcaldesa se nalgún momento se parou a pensar en que situación podería estar Lugo se deran celeridade á concesión de licenzas”, sinalou.

Ameijide esixe á rexedora a que inste ao novo responsable de Urbanismo a que tome cartas no asunto e solucione os problemas desta área, problemas que non son nada novo, xa que están enquistados dende hai máis de 20 anos, “todos de goberno socialista”, polo que se pode dicir que “este problema real e grave do Concello de Lugo leva o selo socialista”.