Tras conocer el enésimo fallo en contra del Ayuntamiento, el Partido Popular pide responsabilidades políticas a la alcaldesa ya que “estamos delante de una nueva derrota judicial por la anulación del nombramiento del Jefe del Servicio de Arquitectura” aclarando que “se trata de una sentencia demoledora que de la la razón al dimitido concejal Miguel Couto”
O vicevoceiro do Grupo Popular Antonio Ameijide valoraba esta mañá a sentencia que se vén de coñecer na que o xulgado contencioso administrativo nº2 anula o proceso de nomeamento do Xefe de Servizo de Arquitectura. O xuíz da a razón a unha das aspirantes a este posto que quedou excluída no seu momento indicando que “o Concello de Lugo debe recoñecer o dereito da recorrente a ser nomeada xefa de servizo e, por tanto, indica que se debe retrotraer o procedemento”.
No PP, dende o minuto un, cuestionaron o informe a medida que se fixo para que a alcaldesa bloquease este nomeamento para seguir formando a súa garda pretoriana. Para o PP esta derrota xudicial vén a dar a razón ao concelleiro de urbanismo, que dimitiu hai pouco máis dun ano, lembrando como “esta decisión, no seu momento, foi o detonante da crise aberta no seo do PSOE e deu pé a renuncia de Miguel Couto”. “A sentenza certifica a vendetta política contra un concelleiro socialista que lle empezaba a facer sombra a alcaldesa” reflexionaba o popular.
Os populares explican que “a cobertura desta vacante foi rocambolesca” e que as dúas únicas persoas que non asumiron esta manobra da alcaldesa, que eran o ex concelleiro de urbanismo e a vicesecretaria, están hoxe fóra do concello. A historia dos informes contradictorios é esperpéntica xa que, primeiro, había un con data do 5 de decembro de 2020 no que se propón a designación da aspirante que recorreu a praza; o 6 de decembro emítese un informe favorable de intervención e logo, por sorpresa, o 19-12-20 Alvarellos di que non pode optar porque o seu primeiro posto era funcionario a tempo parcial. O 20 de decembro, un segundo informe de intervención, contrario ao primeiro, amosa a súa desconformidade cuestionando a legalidade da figura do funcionario a tempo parcial. O vicevoceiro popular pregúntase que foi o que pasou nese lapso de tempo para que a alcaldesa encargase informes contrarios ao inicial.
Para o PP esta sentenza é demoledora e confirma “a deriva na que está este departamento pola falta de xestión, o descoñecemento e a cerrazón de Lara Méndez a aceptar as propostas e a man tendida do PP que nos últimos meses rexistrou innumerables suxestións para axilizar a resolución de licenzas, recuperar a atención presencial entre outras accións”.
O PP pide arestora que a alcaldesa aclare se Méndez ten previsto recorrer a sentenza e piden explicacións “sobre a situación na que queda o departamento de arquitectura xa que, recentemente acaban de nomear outra xefa de servizo”. Para Ameijide “este enésimo varapau xudicial pon en dúbida tamén a manobra da alcaldesa de designar ao interventor municipal como coordinador xeral da área de Urbanismo xa que despois dun ano non hai resultados, nin se mellorou a atención nin a resolución de temas que limitan o investimento no noso municipio”. “Fracasou a folla de ruta da que tanto presume a alcaldesa e o malestar no sector da construcción, entre os técnicos e entre os veciños segue medrando xa que non se lles da ningún tipo de certezas para investir en Lugo”.
