El Grupo Municipal del Partido Popular señala que los vecinos de la zona llevan meses pidiendo una solución ya que ya se produjeron varias caídas de personas al tropezar con los baches mientras cruzaban la calle
Os concelleiros do Grupo Municipal do Partido Popular no Concello de Lugo denuncian o estado que presenta o cruce que une as rúas Ramiro Rueda e Otero Pedrayo, xa que o paso de peóns que hai entre ambas presenta un estado lamentable “dende hai moitos meses”.
Os populares explican que os veciños da zona xa efectuaron varias peticións ao concello para que se arranxe este paso de peóns, xa que ademais de ser un problema para os condutores xa se deron varias caídas de peóns debido a tropezóns ocasionados polos baches. Por iso, os populares presentarán un rogo en comisión para que o bigoberno arranxe no menor tempo posible este problema e así dar solución aos problemas dos veciños.
Dende o Grupo Municipal Popular tamén se critica o deixamento de Rubén Arroxo e Alexandre Penas, xa que mentres pretenden implantar un novo plan de tráfico no barrio da Milagrosa e no barrio Feijoo non son capaces de “percorrer primeiro” as rúas destes barrios para comprobar as necesidades existentes e solucionar problemas como o denunciado polos populares.
