– Os populares piden máis ambición ao goberno local á hora de promocionar un dos nosos patrimonios da Humanidade, o Camiño Primitivo, para convertelo nun motor económico da cidade
LUNS 05.11.2023
O concelleiro popular Agustín Gallego lamentou que Lugo non estivese representado na quinta edición de Fairway, que se celebrou entre o 1 ao 3 de novembro no Palacio de Congresos de Santiago de Compostela “estamos a falar dun evento que atraeu a máis de 4.500 visitantes, e que se converteu nun punto de encontro fundamental para profesionais do sector turístico, tanto a nivel nacional como internacional e onde máis de 80 expositores estiveron presentes, e ofreceron oportunidades de negocio que poderían resultar altamente beneficiosas para as empresas e autónomos de Lugo.
“O goberno local perde oportunidades para presentar un dos nosos 3 Patrimonios da Humanidade: o Camiño Primitivo” engadindo que “esta falta de representación en eventos turísticos como Fairway socava o potencial económico das empresas e autónomos de Lugo ao non poder influír en asuntos relacionados co turismo de calidade no Camiño Primitivo”.
Desde o Partido Popular pedimos ao goberno de Lara Méndez que para sucesivas edicións “considérense as implicacións económicas para a cidade ao non acudir a este tipo de feiras” e á vez pedimos que “se busquen solucións para garantir que a voz das nosas empresas e autónomos escóitense en eventos tan cruciais como este para promocionar o Camiño Primitivo”
