El vicevoceiro del Grupo Municipal del PP Antonio Ameijide asegura que estos elementos de mobiliario urbano so sirven “para obstaculizar el paso a los peones, y para acumular basura nos huecos que quedaron después de que los vándalos los destripasen”
O vicevoceiro do Grupo Municipal do Partido Popular no Concello de Lugo, Antonio Ameijide, recorda que “case seis anos despois de que Lara Méndez suprimise o sistema ORA en Lugo, a rexedora semella que se empeñou en que os parquímetros sigan na cidade como elemento cultural a visitar polos turistas”.
Para os populares resulta sorprendente que Lara Méndez “se empeñe en manter este tipo de imaxes que afean o casco urbano e proxectan unha imaxe de deixadez e abandono”. “Antes de que volvamos á normalidade post covid, e antes de que veñan turistas a Lugo den a orde de quitar da vía pública este mobiliario urbano inservible e que, na maioría dos casos destartalado logo de que os vándalos destripasen as máquinas”.
Antonio Ameijide incluso recorda algún episodio desagradable para algún turista xa que debido á “deficiente” sinalización da supresión do sistema ORA houbo algún turista que tivo problemas cos parquímetros. “Hai motivos máis que suficientes para retirar as máquinas da ORA. Non teñen función algunha e se seguen aí unicamente pode deberse a dous motivos: ou ben Lara Méndez quere engadilos ao patrimonio cultural da cidade ou non ten ganas de traballar e ordenar a súa retirada”, sinalou.
Os populares reiteran que pese ás diferentes propostas do Grupo Municipal, todas elas aprobadas polo pleno municipal, para regular o aparcamento no entorno do casco histórico e outras zonas da cidade nas que é moi difícil encontrar un lugar para estacionar a rexedora segue instalada na súa idea de manter o caos circulatorio en Lugo.
