Óscar Poy señala que la reclamación realizada por los concejales nacionalistas “está muy bien” pero que primero deberían de dar ejemplo y arreglar la calle Lavanco, que está al lado, y que tienen anunciada como aparcamiento del campo de fútbol
No Grupo Municipal do Partido Popular queren felicitar hoxe aos concelleiros do BNG no Concello de Lugo despois de ver como reclaman ao Goberno Central o arranxo dunha parcela que se emprega como aparcadoiro, ao carón do campo de fútbol das Gándaras.
Unha reclamación “un tanto curiosa”, sinala Óscar Poy, xa que seguramente os edís do BNG coñecen perfectamente que esa parcela pertence ao Ministerio de Defensa, polo que “igual o máis conveniente é que Rubén Arroxo ou Alexandre Penas chamen á porta da alcaldesa, xa que eles deberían ter liña directa con ela, para iniciar as xestións oportunas para asinar un convenio de cesión desta parcela e se empregue como aparcadoiro municipal” que usan a diario centos de lucenses, que se achegan a estas instalacións municipais.
Para iso, o Grupo Municipal Popular defenderá un rogo no pleno deste mes para que o Concello de Lugo inicie as xestións co Goberno central para asinar un convenio para a cesión da parcela que usan a diario centos de lucenses.
Pero o concelleiro popular tamén aproveita para criticar que os concelleiros nacionalistas “esquecéronse, seguramente sen decatarse” de facer unha foto da rúa anexa, a rúa Lavanco, que tamén se emprega como aparcadoiro e que está chea de fochancas. “Compartirmos a petición do BNG para arranxar esa parcela, pero tamén lles pedimos que prediquen co exemplo e arranxen a ´rúa anexa, que é do Concello, e teñen anunciada como aparcadoiro”, sinalou.
