El concejal del Grupo Municipal del PP Antonio Ameijide señala que desde la declaración del Estado de Alarma son muchos los lucenses que para ocupar el tiempo de confinamiento aprovechan para limpiar a fondo las viviendas lo que se traduce en que muchos electrodomésticos y muebles que se guardaban en las viviendas se tiren porque ya no sirven, por lo que es preciso reactivar la recogida de estos elementos para evitar que se amontonen en las calles
O concelleiro do Grupo Municipal do Partido Popular no Concello de Lugo, Antonio Ameijide, pide ao bigoberno que retome a recollida de residuos a domicilio na actual situación, xa que en moitas zonas da cidade comezan a amontoarse nas rúas xa que os lucenses aproveitan, entre outras cousas, para limpar a fondo as vivendas durante o confinamento para ocupar o tempo.
Antonio Ameijide explica que ante eta situación, moitos lucenses aproveitan para tirar todos eses “trastos vellos” que se amontoan nas vivendas e nos trasteiros xa que non serven, polo que se tiran, pero en moitos casos non caben nos colectores de lixo. Tampouco se poden levar ata o Punto Limpo de O Ceao xa que debido ás restriccións de movemento derivadas do decreto de Estado de Alarma non se poden levar ata este punto da cidade.
Nesta situación, o concelleiro popular pide ao goberno local que retome a recollida de residuos a domicilio e se habilite algunha alternativa ao Punto Limpo, como a recollida porta a porta, para evitar que todos estes residuos se amontoen nas rúas. “Tomando as precaucións necesarias, como xa está a facer o persoal do servizo de limpeza, poden retomarse este tipo de actividades que axudarían a retirar estes residuos das rúas e que xa derivaron nas primeiras queixas de cidadáns pola imaxe que se está a dar”, sinalou.
O concelleiro popular explica que nesta situación tamén é preciso a creación dun punto limpo a demanda para evitar que se sigan a acumular electrodomésticos e mobles nas rúas ou que poidan aparecer vertedoiros incontrolados nos que se tiren restos vexetais de podas e residuos de todo tipo, restos que os lucenses levan cada día ao punto limpo pero que debido ao confinamento non poden facelo
Por iso, Ameijide pide ao bigoberno que valore seriamente esta medida xa que “somos conscientes” de que o fundamental é desinfectar a cidade e os elementos que hai nas rúas, pero poden realizarse tarefas complementarias coma esta que eliminarían das rúas elementos que non deberían de estar nelas.
