Antonio Ameijide realiza esta petición tras ver cómo se están renovando los contenedores de Lugo pero no los del vidrio, ya que quedaron fuera del contrato de la recogida de la basura, a pesar de que tiene un coste de 13,4M€ anuales
Hai unhas semanas que Lugo comezou coa renovación dos colectores do lixo, unha necesidade fundamental xa que a maior parte dos colectores do municipio estaban rotos, sen tapas, con funcionamento deficiente ou, directamente, eran restos doutros concellos. Pero a realidade é que non se están a renovar todos os colectores, xa que os do vidro “non se tocan”.
Antonio Ameijide explica que o goberno de Lara Méndez non está a renovar o colector verde xa que quedou fóra do contrato de renovación dos colectores (encadrado dentro do novo contrato da recollida do lixo en Lugo que ten un custo anual de 13,4M€). Por iso, o popular pregunta “por que quedou fóra da necesaria renovación de colectores” xa que a maior parte deles están rotos ou moi deteriorados, o que está a xerar queixas naqueles barrios nos que comezou a renovación pola mala imaxe que se transmite.
Ante esta situación, Ameijide insta ao Concello de Lugo a licitar un contrato de subministración para renovar os colectores de vidro do municipio.
Ademais, o popular insta a Lara Méndez a instalar de inmediato o 5º colector, o marrón, algo de obrigado cumprimento por parte de Europa e que serviría para certificar que o compromiso medioambiental da alcaldesa “vai máis aló dunha foto ou do titular dun día”.
