Antonio Ameijide lamenta el abandono del gobierno central socialista con Lugo ya que los presupuestos del Estado para el próximo año se mantienen en el bloqueo y abandonan infraestructuras vitales para el futuro de Lugo y de los lucenses
Nos últimos días o Goberno central presentaba os orzamentos para o vindeiro ano. Uns orzamentos que se manteñen no bloqueo e que convidan ao pesimismo xa que abandonan infraestruturas vitais para Lugo.
Por iso, Antonio Ameijide explica que o Grupo Municipal Popular defenderá unha iniciativa no pleno para instar Goberno do Estado a incluír as partidas necesarias para impulsar infraestruturas como o remate da A-54 (autovía Lugo – Santiago), a A-56 (autovía Lugo – Ourense), a reconstrucción do viaducto derribado no Castro na A-6, o impulso do ferrocarril en Lugo, a redacción de estudos e proxectos para o desdobramento e iluminación do trazado da Rolda Norte (N-640) e da N-VI entre Garabolos e o enlace coa estrada N-540, redacción de estudios para a execución de vías de servicio paralelas á autovía A-6 entre os puntos kilométricos 497 e 500 en ambos sentidos e a comisaria da Policía Nacional.
Explica o concelleiro popular que a día de hoxe as previsións de investimentos para Galicia confirman que o plan de reequilibrio entre territorios segue a ser unha utopía. Se ben é certo que a pandemia e a invasión rusa de Ucraína configuran un escenario no que a incerteza fai complexa a planificación orzamentaria, non é menos certo que estas contas deixan de novo a Galicia, e concretamente a Lugo, ao marxe en infraestructuras e servizos.
Galicia pasa de 180 millóns de euros en 2022 a 181 millóns en 2023 (incremento dun 0,39%) o que provoca que todas as actuacións sexan de lenta execución xa que os importes evitan o seu impulso ou as condenen a desaparecer.
Antonio Ameijide fala duns “orzamentos que non son realistas e non ofrecen unha saída ante a crise ao carecer dunha partida específica para a reconstrucción da A-6 ou que ofrecen cantidades ínfimas para obras como a autovía Lugo – Santiago ou a conexión ferroviaria entre Lugo e Ourense”.
Sinala Ameijide que as contas de Pedro Sánchez certifican a defunción da alta velocidade para Lugo e lonxe de incrementar os investimentos na cidade reducen os mesmos, esquecendo tamén a comisaria da Policía Nacional, unha infraestructura necesaria que a sociedade de Lugo pide con insistencia e que resulta imprescindible para garantir o nivel de servizos que está a prestar esta unidade.
