El concejal del Grupo Municipal del PP Antonio Ameijide recuerda que hay un acuerdo plenario, la iniciativa del PP, de junio de 2018 para completar el cinto verde Lugo, por lo que reclama al bigoberno que cumpla y empleen los fondos europeos del Muramiñae y los presupuestos del Ayuntamiento y de la Diputación para impulsar la red de sendas peatonales y de bicicletas empleando el Miño como elemento vertebrador
O concelleiro do Grupo Municipal do Partido Popular no Concello de Lugo, Antonio Ameijide, criticou ao bigoberno do Concello de Lugo por dar as costas ao río Miño e seguir sen avanzar en ningún tipo de medida que permita acadar a unión dos paseos do Miño e do Rato.
Antonio Ameijide fai esta crítica despois de coñecer que a alcaldesa e concelleiros do equipo de goberno participarán esta fin de semana nunha marcha polo Paseo do Rato, polo que recalca que “é unha mágoa” que non aproveiten esta visita para ver o estado de abandono no que teñen ambos parques, tanto a Deputación como o Concello, e para reflexionar sobre a importancia da proposta de unión integral do Miño e do Rato.
O concelleiro popular lamenta que o bigoberno se empeñe en desaproveitar os cursos fluviais do Miño e o Rato ao seu paso pola cidade para consolidar un gran parque periurbano continuo en Lugo, polo que desde o Concello habería que impulsar o anel verde de Lugo. “Desde que o PSOE goberna en Concello e Deputación non fixeron nin un só metro cadrado para completar e ampliar o cinto verde da cidade o que amosa o seu nulo compromiso co avance da cidade”, explicou.
Desde o Grupo Municipal Popular se reitera que os problemas para completar o anel verde de Lugo seguen a ser os mesmos de sempre:
- o trazado cúrtase á altura de Arias Nadela
- problemas de mantemento dos camiños e mobiliario
- falta de iluminación
- falta de ideas para crear zonas seguras para ciclistas e peóns
Ante esta situación, Antonio Ameijide recorda que en 2018 o seu grupo xa defendeu no pleno unha iniciativa, e conseguiu a súa aprobación, para realizar un plan estratéxico baseados en tres eixos fundamentais tendo ao río Miño como elemento vertebrador de espazos seguros de ocio, deporte e esparcemento.
Para isto é preciso ampliar a zona verde coa adquisición dos terreos necesarios para completar e unir o paseo do Miño e o Rato. Para iso, “queremos coñecer” as xestións que realizou a alcaldesa de Lugo para completar estes paseos. “O proxecto que presenta o Partido Popular é ambicioso. Falamos da adquisición de aproximadamente 39.829m2 que, na actualidade, presentan un estado selvático para unir os paseos do Rato e do Miño, en lugar do mini proxecto que figura na memoria de Evislusa, que consiste unicamente en acondicionar un sendeiro peonil mantendo o estado selvático dos terreos”, sinalou.
A este respecto, o concelleiro popular recorda que existen dous acordos plenarios, a iniciativa do PP, nos que se instaba ao goberno socialista a iniciar as xestións oportunas cos propietarios das parcelas situadas entre o Paseo do Miño e do Rato para adquirir todos os terreos e completar o parque periurbano. Tamén se instaba á Deputación á conservación axeitada do sendeiro desde a desembocadura do Rato ata a Fervenza ao longo do río Miño.
Un proxecto que se debería complementar cun plan estratéxico de mantemento e creación de sendeiros biosaudables con paneis informativos, para o que é necesario redobrar os esforzos para manter os camiños interiores e o mobiliario do parque periurbano en perfecto estado.
Antonio Ameijide reclama que se homoxeneice a cartelería así como as futuras adquisicións de mobiliario urbano que se instale en todo o cinto verde de Lugo independentemente que sexan responsabilidade da Deputación como do Concello.
Os populares propoñen sacar máis partido ao cinto verde de Lugo coa instalación de elementos para a práctica de diferentes modalidades deportivas, sendeirismo, e parques infantís e de exercicio para maiores e mozos ao aire libre.
