Los concejales del Grupo Municipal del Partido Popular quieren conocer el número de quejas recibidas en el Ayuntamiento de Lugo trala implantación del nuevo sistema informático que está generando un enorme enfado entre los lucenses ya que no ponen solución a la tramitación electrónica en el Ayuntamiento de Lugo, situación que se agravó durante lo estado de alarma al no poder realizar la mayoría de gestiones o estar bloqueados los sistemas
O Grupo Municipal do Partido Popular no Concello de Lugo preguntará nas comisións ordinarias de pleno por todas as queixas que se están a producir por parte de lucenses, que se amosan moi descontentos co funcionamento da administración, sobre todo co “nulo funcionamento” da administración electrónica.
Neste senso, os populares preguntarán se existe un rexistro de incidencias e queixas do novo sistema informático do concello de Lugo e o número das mesmas, solicitando un desglose por áreas e servizos.
Tamén queren coñecer os populares cando estará completamente operativa a administración electrónica no Concello de Lugo, xa que por segunda vez nos dous últimos meses o goberno local tivo que recorrer a unha solución “tan burda” como citas por videochamada para conceder o certificado do padrón. “É incrible que Lugo, unha cidade que Lara Méndez bautizou como Smart City, teña unha administración electrónica que brilla pola súa ausencia”, sinalan.
Ante esta situación, os populares queren coñecer cantos trámites administrativos se poden resolver integramente online e cales son eses trámites. Cuestión que ten especial importancia xa que agora mesmo a presentación presencial de documentación se realiza con cita previa, sistema que está a xerar queixas entre os cidadáns xa que hai casos de citas que se están a conceder a máis de 10 días vista.
Outra das situacións que deixou ao descuberto a total falta de traballo do goberno local para adaptar o Concello de Lugo á administración electrónica foi o Plan Reanima. Os lucenses que solicitaron acollerse ás axudas contempladas dentro deste plan non puideron realizar o trámite a través da web municipal debido ao seu nulo funcionamento, polo que tiveron que presentar as solicitudes a través dunha web habilitada polo Goberno central, iso sen contar o colapso que supuxo para administración recibir tantas solicitudes a través doutra administración.
Doutra banda, os concelleiros populares tamén formularán preguntas no resto de comisións para coñecer o aprovisionamento de material de protección realizado polo Concello de Lugo, sen contar o material recibido por parte doutras administracións, as campañas de desinfección do municipio realizadas ata o de agora e se o goberno local, tralas noticias aparecidas en distintos medios de comunicación sobre a presenza de material xenético de Covid-19 nas augas residuais, está a realizar algún tipo de análise na Edar de Lugo para determinar esta presenza e, no caso de non ser así, se teñen previsto algunha análise futura.
