Antonio Ameijide pide que se mejore la iluminación y se instale “de forma progresiva” la señalización luminosa de los pasos de peóns situados en las inmediaciones de los centros educativos del municipio
O Grupo Municipal do Partido Popular quere que o goberno local reforce as medidas de seguridade vial no entorno dos centros educativos da cidade. Antonio Ameijide subliña que os atropelos son unha preocupación para todos e que “os pasos de peóns despintados, mal iluminados, coches aparcados e contenedores restan visibilidade na contorna dos centros educativos”.
O vicevoceiro popular suxire un traballo coordinado en tres eixos “o primeiro sería programar, no que queda de mandato, é a instalación progresiva dos pasos de peóns intelixentes e luminosos para facelos máis visibles”. Estes dispositivos luminosos, que xa funcionan nas inmediacións dalgún centro educativo de Lugo, alertan aos conductores sobre a presencia de peóns para que paren “utilizando un sistema moi sinxelo acendéndose unha potente iluminación, ao igual que os sinais verticais de aviso colocadas no seu lateral”.
O segundo eixo no que hai que traballar é no mantemento da sinalización e o repintado dos pasos de peóns, situados na contorna dos centros educativos, que están desgastados. “O goberno local non pode permitir o deterioro desta sinalización xa que estamos falando de zonas con gran afluencia de cativos”, apuntou o edil popular.
A terceira liña na que o goberno local debería traballar é na implantación da gratuidade do transporte urbano para os menores de 19 anos. O edil do PP matizou “que ao empregar o autobús nos desprazamentos e reducir o número de coches se mellorará na mobilidade dos entornos dos centros escolares e, polo tanto, se avanzaría, tamén, en materia de seguridade vial”.
O vicevoceiro popular lamentou a escasa implicación dos socialistas “para trasladar aos alumnos de Lugo os beneficios e as vantaxas do uso do transporte público”. Antonio Ameijide lembrou que existe un acordo, do pleno do 30 de xuño, que presentou o seu Grupo para que os 15.000 mozos e mozas menores de 19 anos podan utilizar de balde o autobús urbano. O popular indicou que con esta iniciativa se daría continuidade á medida implantada pola Xunta do PP para que o transporte metropolitano sexa gratuíto.
