Los socialistas votaron en contra de perfilar “un plan de aprovechamiento de las instalaciones industriales sin uso do Concello de Lugo” destacando que por “algunas de ellas, como por la vieja potabilizadora, seguimos pagando los costes de mantenimiento”
Na cidade hai edificios propiedade do Concello que carecen dun uso definido, esta situación débese en gran medida a non ter un proxecto de desenvolvemento urbano ben definido, que deixou un complexo mapa de infraestruturas infrautilizadas, as cales causan unha mala imaxe da cidade. Ademais corren o risco, debido a un deficiente mantemento de converterse nun foco de vandalismo. Nese sentido son numerosos os edificios existentes que precisan dunha actuación inmediata como son entre outros, as vellas ETAP e EDAR os depósitos de Frigsa e A Piringalla e o matadeiro municipal, entre outros.
Ante esta situación o Concello de Lugo debe adoptar as medidas oportunas para que os edificios anteriormente citados así como aqueloutros que se atopen nunha situación similar, poidan recuperarse por medio da súa rehabilitación, e sexan xestionados directamente polo Concello, outras Administracións ou por medio de asociacións ou empresas privadas interesadas co correspondente concurso público ou proceder á súa demolición se supoñen un perigo para as persoas.
A recuperación destes edificios permitiría a creación de espazos de participación cidadá para desenvolver actividades de promoción social, cultural ou deportiva, fomentando e dinamizando a vida social.
Desde o Grupo Municipal do Partido Popular entendemos que é necesario que os membros da Corporación Local así como os técnicos municipais, realicen unha visita a estas instalacións coa finalidade de valorar o estado real no que se atopan estes edificios e as súas posibilidades, que permita unha posterior elaboración dun plan de aproveitamento de instalacións sen uso que contemple as medidas a levar a cabo e recollendo os gastos correntes que supoñería para as arcas municipais
Por todo elo o Grupo Municipal do Partido Popular considera de interese municipal que o Pleno da Corporación Municipal ACORDE:
- Establecer unha programa de visitas nos meses de febreiro e marzo do presente ano, no que participen os membros de todos os grupos da Corporación, así como os técnicos municipais, co obxecto de comprobar o estado no que se atopan os edificios que son propiedade do Concello que na actualidade non teñen un uso definido e que se atopan nun estado de abandono, comezando por as vellas ETAP e EDAR os depósitos de Frigsa e A Piringalla e o matadoiro municipal.
- Que se elabore un plan de aproveitamento de instalacións sen uso, dirixido a planificar o futuro uso dos edificios, así como os gastos que suporía para as arcas municipais darlles unha nova utilidade.
