Esta propuesta viene la respaldar a petición que hicieron las empresas de distribución con cuyos representantes se reunió el Grupo Popular ya que “este sector está muy preocupado por los cambios de movilidad y las trabas que tienen, cada vez mayores, para hacer repartos en el casco histórico”
O Partido Popular propón unha solución “rápida, sinxela e sen un gran custe para as arcas municipais que facilitaría a carga e descarga para a hostelería e o comercio no casco histórico”. Os populares respaldan a petición que lle trasladaron distribuidores que operan en Lugo para que se substitúa o carril bus da rúa Montevideo por un carril para carga e descarga “esperemos que sexan sensibles e dado que o pico de actividade máis importante do ano é agora en Nadal sería importante axilizar este cambio”.
“Dende que se peatonalizou a rúa Quiroga Ballesteros carece de sentido esta zona reservada para a circulación dos autobuses e dos taxis”. Os populares aseguran que “á importante reducción de tránsito por este vial súmase que é habitual que o carril bus estea ocupado a calquera hora por vehículos e, polo tanto, non sexa de utilidade”.
A idea é respectar as dúas paradas de autobús que hai nesta vía para dar servizo ás catro liñas de autobús que arestora entran no casco histórico e logo habilitar 30 prazas novas para a carga e descarga e outras tantas para aparcamento lineal. Deste xeito esta rúa Montevideo sería un referente para a distribución de paquetería, alimentación e outros productos que precisen os negocios do centro.
Ameijide indicou que esta medida “só require de vontade política xa que só implica un mínimo investimento de señalización vertical e pintura para sinalizar este cambio”. O popular espera que o goberno de Lara Méndez sexa receptivo a esta proposta que conta co respaldo dos representantes do sector loxístico de Lugo xa que “con estas novas prazas de carga e descarga dentro do casco histórico se facilitará moito o traballo aos profesionais deste sector que están moi preocupados polos problemas que lles están a ocasionar os cambios de mobilidade na cidade”.
Dende o PP tamén solicitan que se estuden as mellores alternativas para facilitar o reparto dentro de murallas e, de forma paralela, preservar sen coches a zona centro de Lugo. Nese senso, Ameijide aporta varias ideas que xa se están implantando noutras cidades españolas con éxito como “realizar a distribución con vehículos eléctricos ou habilitar un Centro de Distribución Urbana de mercadorías”.
