Los populares se hacen eco de las reclamaciones vecinales que llevan meses pidiendo el arreglo de este camino sin que el gobierno local atendiera sus peticiones, algo necesario ya que este camino da acceso a varias hincas a las que se accede con maquinaria agrícola
Os concelleiros do Grupo Municipal do Partido Popular fanse eco das queixas recibidas por parte de veciños de Adai, que reclaman o arranxo dun camiño que empregan, sobre todo para tránsito de vehículos agrícolas xa que dá acceso a varias fincas ás que se entra con maquinaria, polo que o risco para agricultores e operarios é máis que evidente.
Os veciños denuncian o mal estado deste camiño, que se agravou nas últimas semanas, e critican que hai tempo que levan pedido que se amañe esta pista xa leva meses deteriorándose sen que as súas reclamacións fosen atendidas polo goberno local. “A realidade é que os afundimentos son de grandes dimensións o que pode provocar que envorque a maquinaria”, advirten.
Dende o Grupo Municipal do PP reclaman o arranxo inmediato desta pista, xa que tamén se trata dunha zona moi frecuentada por lucenses amantes da natureza e do deporte, polo que o risco tamén é evidente para todos os usuarios.