La concejala del Grupo Municipal Popular, Beatriz Vázquez, señala que hace varios años que la Xunta de Galicia requirió al Ayuntamiento la colocación de un paso de cebra en este punto pero que, a día de hoy, siguen obviando esa petición
A concelleira do Grupo Municipal do Partido Popular no Concello de Lugo, Beatriz Vázquez, pide ao goberno local a creación dun paso de peóns na Ronda do Carme, á altura do Camiño Primitivo, xa que é unha avenida de catro carrís de circulación pola que teñen que cruzar os peregrinos, pese ao perigo que entraña, xa que a visibilidade é moi limitada.
Beatriz Vázquez recorda que esta non é unha petición nova, se non que xa hai varios anos que se está a demandar a instalación dun paso de peóns neste punto para garantir a seguridade. De feito, a Xunta de Galicia, no ano 2017 remitiu dous escritos a Lara Méndez solicitando a sinalización dun paso de peóns na Ronda do Carme, no lugar polo que pasa o Camiño, obra enmarcada dentro das obras de acondicionamento do Camiño Primitivo, pero vemos que a rexedora aínda non tivo a ben atender dita solicitude.
A concelleira popular sinala que incluso o BNG reclamou máis medidas de seguridade e prevención neste punto, chegando a presentar rogos en comisión para que se levase a cabo esta medida e organizando actos nese mesmo punto para reclamar a sinalización do cruce do Camiño de Santiago coa ronda do Carme. “Resulta curioso o rápido que se esquecen no BNG das súas reclamacións porque cando estaban na oposición pedían a colocación dun paso de peóns e, agora que teñen competencias para facelo, xa non recordan as súas demandas”, explicaron.
Para a popular non hai escusa posible ante esta situación. Sinalizar un paso de peóns é unha competencia municipal, algo que agora semellan esquecer no goberno local para non realizar esta actuación, polo que é preciso que se poñan a traballar con celeridade para que o Camiño Primitivo, ao seu paso pola Ronda do Carme, conte cunha zona segura para cruzar a rúa e non ter que lamentar logo ningún incidente.
