El vicevoceiro del Grupo Municipal del PP Antonio Ameijide se hace eco de una queja de un turista estuvo a punto de pagar en las máquinas de la ORA por estacionar en las cercanías del parque Rosalía de Castro, lo que apoya la petición, realizada en numerosas ocasiones por el PP, de sacar los parquímetros de las calles de la ciudad
O vicevoceiro do Grupo Municipal do Partido Popular no Concello de Lugo, Antonio Ameijide, defende a necesidade de sacar de inmediato os parquímetros da ORA das rúas de Lugo despois de ter coñecemento de que seguen a xerar problemas aos turistas que chegan á cidade, que ao ver as máquinas pensan que teñen que pagar por estacionar, o que lles provoca danos como a perda de cartos ou das tarxetas de crédito.
Pese a que moitas destas máquinas están destartaladas, logo de que os vándalos as destripasen para levar aquelas partes que tiñan algo de valor, convertendo o seu esqueleto en ferralla, seguen a xerar confusión entre os visitantes que chegan a Lugo, xa que o turista que presentou a reclamación dixo que “de non ser por un cidadán que o informou da situación” tería pagado por estacionar na vía pública.
Unha situación ante a que Antonio Ameijide tira de ironía para sinalar que “como non teñen función algunha seguen na rúa xa que o goberno local tentará engadilos ao patrimonio cultural da cidade, sendo os parquímetros de Lugo son tan inútiles como o bigoberno”.
Pese a todo, dende o Grupo Municipal Popular seguen tendendo a man tanto a Lara Méndez como a Rubén Arroxo para buscar unha solución que axude aos cidadáns. Neste senso, recorda Antonio Ameijide como xa se puxo en varias ocasións sobre a mesa a proposta para crear un sistema de rotación gratuíto en zonas concretas; creando unha comisión deste sistema para, entre todos, determinar as zonas nas que se debería implantar este modelo. Recorda o popular que esta medida está aprobada en pleno pero seguen negándose a poñela en marcha, pese a que “dende o BNG se apoiaba o noso plantexamento, postura que trocou dende que están no goberno, demostrando que son a ovella mansa do PSOE”.
A fío desta cuestión, os populares xa pediron en reiteradas ocasións a convocatoria da mesa de ordenanzas para abordar os cambios necesarios nas ordenanzas fiscais de 2022 e entre as medidas que propoñen está a de “reformular de xeito integral a ordenanza da ORA para poñer en marcha un sistema rotatorio do aparcamento gratuíto para facilitar o aparcamento en zonas onde hoxe é moi complicado ir en vehículo propio, impulsando medidas para facilitar o funcionamento dos negocios nestas zonas ao mellorar o acceso a eles”.
Neste senso, Antonio Ameijide explica que resulta curioso que o goberno local, na recente renovación da rúa Quiroga Ballesteros deixase no seu lugar a máquina da ORA que hai nos soportais da rúa, a pesar de que renovaron todo o chan e peonalizaron a rúa. “Hai situacións nas que é mellor rir porque se te paras a pensar que quitaron a máquina da ORA para colocar as plaquetas do chan e que logo a colocaron de novo; non hai quen o entenda”, lamenta.
