El concejal del Grupo Municipal del Partido Popular Manuel López explica que se trata de una reclamación que llevan haciendo desde hace muchos meses los vecinos de esta zona, ya que se trata del único paso habilitado para poder incorporarse a la vía que los lleva dirección a la ciudad, por lo que urge su reparación para evitar daños en los coches
O concelleiro do Grupo Municipal do Partido Popular no Concello de Lugo, Manuel López, esixe ao Concello de Lugo e ao Goberno central que se poñan a traballar para arranxar os baches que presenta o paso inferior da N540, e as vías colindantes, que dificultan a circulación e xa causaron danos nos baixos dalgún vehículo.
Manuel López explica que se trata dunha reclamación que os veciños desta zona levan moitos meses realizando xa que se trata da única vía de entrada e saída ás súas vivendas e, ante a inacción do goberno local, os afectados amosaron o seu malestar por esta situación xa que non é algo puntual. “Os veciños critican que levan xa varios anos así e que co paso constante dos vehículos e as inclemencias do tempo en inverno o firme cada vez vai a peor, polo que piden solucións inmediatas”, apunta.
Os concelleiros populares que se achegaron ata a zona tiveron ocasión de comprobar o malestar existente entre os veciños e os empresarios da zona, xa que esta vía é o acceso ao polígono industrial da zona, e comprobaron as dificultades que este bache presenta para a circulación debido ás dimensións dos diferentes baches deste paso inferior. “É imprescindible unha actuación inmediata para evitar que teñamos que lamentar calquer tipo de accidente no futuro”, sentencia.
Neste punto pode verse como nos baches hai unha corrente continua de auga, o que pode ser indicativo de que hai unha fonte subterránea manando constantemente, de aí os constantes baches, ou que algunha tubaxe soterrada ten algún tipo de fuga, polo que os populares instan a facer un estudo previo para non ter que estar a poñer parches periodicamente.
