El portavoz popular Jaime Castiñeira propone que sea la Xunta, titular de la vía, la que asuma los costes de la supresión de este obstáculo instando al gobierno local “a hacer un convenio con ella para solucionar los actuales problemas de seguridad vial”
O Grupo Municipal do Partido Popular presenta a este pleno catro iniciativas relacionadas coa mellora de infraestructuras así como a petición de comparecencia do edil de persoal para que dé explicacións sobre contratación de persoal no Concello
A última proposición que presentaron os populares ten como obxecto eliminar o tapón urbanístico da rúa Fisterra. Este obstáculo está situado á altura do vello edificio da antiga marmolera que había na zona e cuxo edificio provoca un estrangulamento da vía xerando problemas de seguridade tanto para os peóns coma para os conductores.
O voceiro do Partido Popular Jaime Castiñeira indicou que solucionar este atranco non suporá ningún custe para o concello xa que se trata dunha estrada interurbana propiedade da Xunta. Nese senso, os populares solicitan que “se solicite un convenio coa administración autonómica para que a Xunta asuma os custes derivados da supresión deste tapón así como do acondicionamento da vía no treito onde se actúe”. Castiñeira subliña que, unha vez realizada esta intervención, o Concello debería asumir a súa titulariedade.
O tramo, de máis dun quilómetro, comprende a rúa Monte Faro e a totalidade da rúa Fisterra. Este treito, ainda que teñen un tratamento de vía urbana, é de titulariedade da Xunta de Galicia xa que corresponde ao o antigo trazado da LU- 114.
Castiñeira avanzou que presentará nunha Comisión do Parlamento unha iniciativa similar á que mañá se debate no pleno “para axilizar as xestións oportunas para que o convenio entre ambas administracións se materialice o máis axiña posible”.
Os populares aproveitaron esta comparecencia para reclamar que nos orzamentos municipais se contemple unha partida para eliminar outros tapóns similares “que xeran inseguridade e provocan molestias aos veciños que transitan polas rúas que estreitan parcialmente como consecuencia de vellos edificios ou solares”.
O voceiro popular, de feito, recriminou que os socialistas perdesen a oportunidade de suprimir tapóns históricos como o da rúa Rof Codina ou mesmo outros recentes como o que hai na rúa Ramos Misioné ou Noriega Varela. Castiñeira indicou que “se arranxaron estas rúas pero fixo unha intervención en falso” referíndose a que non se levou a cabo nin unha soa acción para suprimir os estrangulamentos que sufren ambas rúas.”
