Antonio Ameijide critica que la Diputación Provincial, “con el beneplácito del Ayuntamiento de Lugo”, limite su intervención en Fermín Rivera al simple reasfaltado “en vez de dotar esta calle, como estaba previsto, de más servicios y aparcamiento”
O vicevoceiro do Grupo Municipal do Partido Popular no Concello de Lugo, Antonio Ameijide, afirma que a obra de Fermín Rivera que está previsto que se inicie esta semana “non é máis que un parche raquítico”.
Nese senso, o popular lamenta que “o obxectivo da actuación non é o de mellorar, como se anunciara hai anos e como debera ser, as condicións da rúa cunha intervención integral, senón que a única finalidade semella ser a de mover uns cantos votos na semana anterior ás eleccións autonómicas”. Deste xeito, Antonio Ameijide censura que “esta é unha decisión claramente electoralista e oportunista, exactamente igual que o foi a posta en marcha do Plan de Emprego hai uns días”. “Cando os veciños e os usarios do Club Fluvial levan anos e anos agardando por unha actuación completa e a semana anterior ás eleccións se decide facer un remendo parcial, as sospeitas de electoralismo vólvense realidades”, apunta.
Así mesmo, o vicevoceiro popular critica que o Concello de Lugo “dea o seu consentimento e o seu beneplácito” á alternativa que improvisou a Deputación Provincial, ao cinguirse esta intervención a un simple reasfaltado “en lugar de dotar Fermín Rivera da mellora en servizos coma o abastecemento ou o saneamento, que tantos problemas están a xerar actualmente, en lugar de ampliar das zonas de estacionamento e de mellorar a iluminación, como estaba previsto”. A este respecto, Ameijide considera que “a alcaldesa é dobremente responsable: primeiro, por non ter executado esta obra durante os seus oito anos como vicepresidenta á fronte da Deputación Provincial; e, segundo, por permitir agora que se descafeíne de tal maneira a intervención”. “É dicir, é unha obra que non dá resposta nin solución ás vellas demandas do entorno, de xeito que o único que fai é demorar a solución definitiva e encarecela ao esixir un custe económico dobre”, incide o popular.
Por outra banda, Antonio Ameijide pide aos socialistas que “abandonen dunha vez a súa teima de prohibir o aparcamento en Fermín Rivera”, dado que “ningún dos dous estudos técnicos inclúe unha supresión deste tipo”, xa que en 2013 un deles avogaba pola bidireccionalidade e outro apostaba pola unidireccionalidade. “Todos lembramos ben que o anterior goberno local se empeñara nesta decisión, pero o certo é que o PXOM contempla para esta rúa unha anchura de 11 metros”, circunstancia que permite a existencia de dous carrís de circulación, beirarrúas e prazas de estacionamento. “O único que se pide é que se cumpra o que prevé a normativa urbanística, sempre sen afectar ás vivendas que xa existen”, insiste o vicevoceiro popular.
Por último, Ameijide subliña que “é unha mágoa que unha alcaldesa e un goberno municipal que viven permanentemente instalados no vitimismo e a confrontación coas administracións gobernadas por outros partidos políticos non atopen tempo para esixirlle a unha entidade amiga, como é a Deputación Provincial, que coñecen ben e que está a escasos metros do Concello”.
