Ameijide asegura que “como ya advertimos en julio, la alcaldesa será incapaz de cumplir con su compromiso de que la ORA esté resuelta en ocho meses”, ya que “solo le quedan dos meses y no tiene visos de ser capaz de desencallar el asunto”
O concelleiro do Grupo Municipal do Partido Popular no Concello de Lugo Antonio Ameijide cualifica de “vergoñenta” a falta de avances no novo modelo de regulación de estacionamento en superficie.
Nesa liña, Ameijide asegura que “a alcaldesa vai camiño de incumprir o que probablemente fora o seu compromiso estrela, que era o de ter resolto este embrollo, creado por ela mesma, nun prazo máximo de oito meses”, que remata o vindeiro 30 de marzo. “Pois estamos a dous meses de que venza ese prazo e, como xa dixemos dende o primeiro día, é imposible que sexa quen de respectalo”, afirma, xa que “coas súas formas e coa súa teima de manter o contrato en mans de Vendex dificulta a saída a poder desencallar o asunto”. “Foi unha decisión populista da que non mediu as consecuencias e parece que non aprendeu porque a finais de xaneiro segue a cometer os mesmos erros de principiante do verán pasado”, salienta o edil popular.
Deste xeito o popular critica que dende o 4 de xaneiro non se volvese reunir a comisión municipal integrada por representantes dos distintos grupos políticos para estudar o modelo de funcionamento do novo sistema de regulación do aparcadoiro en superficie. “Somos conscientes de que a proposta do PSOE era a mesma que defendía López Orozco, de seguir permitíndolle a esta empresa seguir facturando co contrato anulado pola xustiza dende hai catro anos e medio, pero as circunstancias políticas mudaron e cando hai un acordo unánime de todos os partidos da oposición o goberno municipal debera ser respectuoso coas propias regras do xogo democrático”, salienta Ameijide, ao tempo que urxe aos socialistas a “deixar de mirar cara a outro lado” e a convocar con carácter urxente outra xuntanza “para desbloquear todo”.
Caos de tráfico.-
Antonio Ameijide apunta que a supresión “repentina, sen alternativas e sen unha mínima reflexión” do sistema ORA “é outra das causas do caos circulatorio que vive Lugo”, xa que “a ninguén se lle escapa que a falta de espazos de aparcamento, motivados pola falta de rotación de vehículos, provoca que máis automóbiles ocupen posicións incorrectas que dificultan a visibilidade”, o que á súa vez repercute no incremento de atropelos por mor destas circunstancias. “Se en Lugo xa tiñamos un índice elevado de sinistros, a actuación e a falta de actuación da alcaldesa noutros casos o que fan é agravalo aínda máis”, expón o popular, quen critica que “os centros educativos tamén son vítimas desta improvisación porque non teñen os controladores de apoio”.
Débedas.-
Por último, o popular insiste de novo en criticar que “o goberno local continúe facendo a vista gorda coa filial de Vendex”, que segue debendo ás arcas municipais uns 700.000 euros, entre as mensualidades que faltan por abonar e o material que debera ser de propiedade municipal (como furgonetas, segway, emisoras, PDAs…) e que a día de hoxe “seguimos sen saber onde está”. “O contrato segue sen liquidar despois de medio ano de que se suspendera o servizo, así que alguén, que é a alcaldesa, terá que explicar por que”, conclúe.
