La concejala del Grupo Municipal del PP Ana López Pombo explicó que se presentará a pleno una iniciativa para mejorar el funcionamiento del punto limpio ya que los socialistas “siguen mirando hacia otro lado” en esta instalación ya que siguen apareciendo butrones en el cierre perimetral, que “no es suficiente” para disuadir a los ladrones, por lo que urge a los socialistas a cumplir su promesa de realizar un cierre “en condiciones” para evitar que se siga repitiendo esta situación
A concelleira do Grupo Municipal do Partido Popular no Concello de Lugo, Ana López Pombo, pon de manifesto que o punto limpo do Polígono de O Ceao segue a ser un imán para os cacos que, noite tras noite, seguen a “saquear” esta instalación.
Non é a primeira vez que dende o Grupo Popular se denuncia a situación que se vive no puno limpo, pero a situación “está chegando a tal extremo” que os arredores desta instalación xa comezan a asemellarse a un vertedoiro incontrolado, pese a que “nos consta” que dende o goberno local se fixo a promesa de “tomar medidas” no asunto e realizar un peche “en condicións” para evitar esta situación, polo que “nos vemos na obriga de pedir en pleno unha solución” para o punto limpo.
Incluso a situación foi a peor. Coa limpeza da maleza que rodeaba a instalación, o peche perimetral quedou por completo ao descuberto, polo que agora os amigos do alleo teñen un acceso máis doado a toda esta dotación polo que, agora mesmo, todo o peche perimetral esta cheo de buratos que converten o punto limpo no “punto aberto” aos cacos.
Ana López Pombo tamén pide unha revisión do horario do punto limpo (de luns a sábado de 10:30 a 13:30 horas e de 16:00 a 20:00 horas) e das cantidades que se poden depositar de determinados residuos. O horario o que produce é que os cidadáns que se achegan ata alí a depositar residuos se atopen coa instalación pechada, polo que optan por deixar na porta os aparatos que levan para a súa reciclaxe.
A concelleira popular recorda que para tentar paliar esta situación, dende a Xunta de Galicia se realizaron diversos investimentos na procura dunha mellora na situación, como a instalación dunha marquesiña para os residuos eléctricos e electrónicos, a entrega dunha balanza para residuos e a traspaleta de grandes residuos, intervencións que tiveron un investimento de 16.300€.
Pola contra, o goberno socialista de Lugo, en lugar de reforzar estas actuacións con investimentos complementarios, o único que fixeron foi “mirar cara outro lado” permitindo que os amigos do alleo sigan a campar ás súas anchas polo punto limpo. Os butróns no peche perimetral son constantes e, en lugar de rodear o punto limpo cun muro cego, os socialistas o único que fixeron foi poñer “remendos” a algún dos buratos que se abriron desde hai meses.
