El viceportavoz del Grupo Municipal do PP, Enrique Rozas, expresó su sorpresa por la demora en el acceso al borrador de la ordenanza de convivencia, ya que “estamos legitimados legalmente” para poder estudiar su contenido
O vicevoceiro do Grupo Municipal do Partido Popular no Concello de Lugo, Enrique Rozas, denunciou hoxe que o goberno local “aínda non respostou” á solicitude formulada polo Grupo Municipal do PP para ter acceso a unha copia do borrador da ordenanza de convivencia, solicitude que “realizamos o pasado 21 de xullo, dous días despois de que a alcaldesa anunciase nunha rolda de prensa esta ordenanza para regular materias fundamentales para a convivencia na cidade ”
Enrique Rozas explicou que “non comprendemos” por que o goberno local non quere “darnos acceso ao borrador desa ordenanza, xa que estamos lexitimados para poder estudar o seu contido”. Nesta idea incidíu o vicevoceiro municipal popular xa que “non entendo o ocultismo e a lentitude” do goberno local no referente a esta ordenanza á hora de darlle traslado da mesma aos diferentes grupos da corporación municipal.
O popular recordou a importancia desta normativa municipal, moi demandada por moitos veciños. Ademais Rozas recordou que a alcaldesa dixo durante a rolda de prensa na que anunciou esta ordenanza que nela se regulan materias como o servizo de aparcacoches, máis coñecido coma gorrillas e que afecta a diario a moitos lucenses na contorna do Hospital Universitario Lucus Augusti, pintadas, actos contra o patrimonio ou a venda ambulante encuberta. Por iso mesmo, Enrique Rozas lamentou que “xa son demasiados anos agardando por unha normativa municipal para regular este tipo de actividades, polo que se xa a teñen rematada o máis normal será consensuala e dala a coñecer para que entre en vigor o máis axiña posible”.
Esta situación de atranco non é nova para os populares, xa que neste caso, ao igual que con outras solicitudes e preguntas formuladas ao equipo de goberno, a ausencia dunha resposta é a contestación máis empregada polos socialistas. “Case sempre que o Partido Popular realiza unha pregunta ao equipo de goberno a ausencia de contestación é a saída máis habitual. Así é moi complicado realizar o noso traballo de oposición, pero dende o Partido Popular seguiremos a fiscalizar todo o que fai o equipo de goberno para controlar a súa actividade”.
