Antonio Ameijide presentó hoy una moción de urgencia para que “se designe el delegado de protección de datos del Concello de Lugo, una figura que debe velar para que se garantice el uso de información sensible que la administración local tiene de los ciudadanos”.
O Grupo Municipal do Partido Popular urxe á alcaldesa de Lugo para que convoque unha xunta de voceiros na que se consensúe a designación do delegado de protección de datos da administración local. O voceiro dos Populares apremia a que se tome esta decisión xa que o vindeiro 25 de maio se empezará a aplicar unha nova normativa europea relativa ao tratamento de datos.
Antonio Ameijide criticou a desidia dos socialistas que “deixaron durante dous anos de lado os trámites para adaptarse a esta norma desoíndo as indicacións dos funcionarios” en alusión a que este Regulamento Xeral de Protección de Datos entrou en vigor o 25 de maio de 2016. “Non fixeron absolutamente nada, non están ao que teñen que estar”, sentenciou.
O voceiro popular, co ánimo de conseguir coa maior celeridade posible axustarse a esta normativa, levará ao pleno de mañá unha moción de urxencia para acadar un acordo de toda a corporación. “Pensamos que dado o carácter e a sensibilidade da información que se manexa dende o Concello a alcaldesa debería facer un maior esforzo por preservar e garantir o trato correcto dos datos que hai dos cidadáns”.
Ameijide lamenta que, como sempre, o goberno de Lara Méndez deixa todo para última hora recalcando que “hai un desinterese manifesto e unha falta de xestión absoluta que afecta a cuestións de toda índole”.
Os populares explican que o delegado de protección de datos “podería ser un funcionario ou ben unha empresa externa” de aí que reclamen unha xuntanza para valorar o sistema que máis beneficie ao Concello.
Dende o Grupo Popular indican que hai antecedentes, no ano 2010, de apercibimento ao Concello de Lugo por parte da Agencia Española de Protección de Datos “por dar a calada por resposta” a unha petición dun funcionario que solicitou a cancelación de datos persoais.
