O seguimento e control dos movementos realizados na intranet municipal por parte do Concello aos grupos da oposición son de suma gravidade e intolerables, e supón unha vulneración de dereitos constitucionais como son a liberdade de expresión ou o segredo de comunicacións. Este acto que consideramos irresponsable e que pretende coartar a labor de fiscalización dos grupos políticos, supostamente deu lugar a posterior elaboración dun documento/informe onde se recollía a forza política que realizaba o acceso, así como as horas e o ordenador utilizado, e a persoa que facía a consulta.
Ante estes feitos inéditos no noso Concello, o Grupo Municipal Popular coa finalidade de aclarar todos os aspectos relativos ao acceso sen permiso ás consultas, e aos equipos informáticos existentes nos Grupos Municipais da oposición, así como os feitos e circunstancias que rodearon o suceso acontencido, considera oportuno a constitución dunha Comisión de Investigación ao abeiro do establecido no artigo 124.3 do Real Decreto 2568/1986, do 28 de novembro, polo que se aproba o Regulamento de Organización, Funcionamento e Réxime Xurídico das Entidades Locais, e o artigo 135 do Regulamento Orgánico de Pleno do Concello de Lugo.
Por todo elo o Grupo Municipal Popular considera de interese municipal que o Pleno da Corporación Municipal ACORDE:
Que se constitúa unha Comisión de Investigación, coa finalidade de aclarar todos os aspectos relativos ao acceso sen permiso por parte do Concello ás consultas e aos equipos informáticos dos Grupos Municipais da oposición.
