Os populares desvelaron que en 2017 “socialistas e nacionalistas asinaron 657 contratos menores por un montante de 3.5M€, mentres que en 2020 suscribían 1.343 por un importe de 6.7M€”
Dende o Partido Popular lamentan que o bigoberno volva a excusarse “á hora de votar a favor dunha iniciativa encamiñada a dar participación aos autónomos e PYMES de Lugo nas contratacións que se realizan dende a administración local”. Para os populares resulta pouco crible que xustifiquen o seu voto en contra “coa matraca de que están en elo” unha disculpa que xa levamos escoitado dende o ano 2018.
O Partido Popular volveu a poñer en entredito a transparencia coa que actúa o bigoberno manifestando que “o mellor exemplo de caciquismo moderno, é que PSOE e BNG duplicaron en tres anos o número de contratos menores a dedo: En 2017 fixeron 657 contratos menores por un montante de 3.5M€ e en 2020 firmaron 1343 contratos menores por un importe total de 6.7M€ multiplicándose por dous o caciquismo no Concello que agora hai dous gobernos de caciques a manter”.
Os populares lamentan que a alcaldesa e a responsable de economía perdese hoxe a terceira oportunidade de aclarar se a listaxe de contratos menores do portal de transparencia é veraz ou está falseada. Tamén lle recordaron que os veciños de Lugo están “fartos de chanchullos, do seu caciquismo moderno e da súa xestión de cercanías”.
