El portavoz del Grupo Popular está pendiente de que la alcaldesa Lara Méndez “ponga fecha y hora de la reunión que le solicitó el pasado viernes para trasladarle algunas de las propuestas de su Grupo vinculadas con la situación interna del Concello así como con políticas de empleo, urbanismo, movilidad y mantenimiento de los barrios”
O voceiro do Grupo Popular, Antonio Ameijide, xunto co vicevoceiro, Enrique Rozas, iniciaron hoxe as visitas ás diferentes dependencias municipais co obxecto de coñecer de primeira man a situación dos diferentes servizos “é importante detectar cales son as necesidades, problemas ou propostas de mellora e, quen mellor que os actores principais para mellorar a organización” salientaron.
Os populares empezaron esta rolda de entrevistas con xefes de servizo, técnicos e administrativos polo departamento de persoal “non é casual que comecemos por este servizo” matizou Ameijide en alusión “á tensión que se vive neste momento pola situación do persoal municipal con problemas enquistados como son a Relación de Postos de Traballo ou as Ofertas de Emprego Público que seguen paralizadas pola inacción dos socialistas”.
“É necesario mellorar a coordinación do goberno cos distintos departamentos e valorar o traballo que se realiza nos diferentes servizos para que os traballadores municipais tomen a iniciativa” explicou Ameijide quen recriminou “a actitude de pasotismo do goberno local” a quen acusou de “non tomar medidas para mellorar a organización e coordinación dos distintos departamentos mentres que, por outra banda, fomentan mediante actitudes de amiguismo, a tensión laboral”.
Os populares afirman que pola dispersión física das diferentes unidades e os espazos de traballo onde as persoas prestan os seus servizos e que están repartidos en varios edificios. O programa de visitas se prolongará durante os próximos meses xa que “pretendemos escoitar de forma colectiva e individual a todos os que queiran intercambiar opinións con nós”.
Ademais das dependencias de persoal os populares visitaron hoxe os departamentos de cultura, actas, asesoría xurídica, normalización lingüística.
O voceiro popular Antonio Ameijide tamén avanzou que segue pendente de que a alcaldesa “confirme data e hora da reunión que solicitou o Grupo Popular o pasado venres co obxecto de trasladarlle propostas vinculadas coa situación interna do Concello, así como coas políticas de emprego, o urbanismo, a mobilidade e o mantemento dos barrios. Para o voceiro dos populares a nova deste encontro non debería ser que hai reunións como estas xa que, tendo en conta que a alcaldesa goberna con minoría, o normal sería que buscase os consensos dentro do concello de Lugo e que tivese unha actitude máis dialogante co grupo maioritario da corporación que é o PP”.
De forma paralela os concelleiros populares están participando en diferentes visitas de barrio e parroquias. Para esta semana están programadas sete: en Montero Rios, Sagrado Corazón, Piringalla, Castro Gil, San Mamede dos Anxos, Meilán e Esperante.
Na axenda de traballo do voceiro popular Antonio Ameijide destacar que este mércores achegarase á sede nacional do PP para participar nunha xuntanza de traballo con voceiros das grandes cidades de toda España.
