Javier Vázquez afrimou que “imos de mal en peor, o PSOE mentiu cando dixo que a incorporación do director impulsaría a escola e mentiu o BNG cando anuncio que abriría en xaneiro. Hoxe as aulas están baleiras”
Estamos xa en febreiro e a Escola Municipal de Música de Lugo segue sen abrir as súas portas. O que debería ser un servizo esencial para os 300 estudantes que se matricularon para este curso e as súas familias converteuse nun exemplo máis da falta de planificación e xestión do PSOE e do BNG.
O último capítulo deste despropósito é a carta que asina a concelleira Maite Ferreiro e que chegou estes días aos afectados na que apunta a que o atraso débese a un conflito laboral “alleo” á súa área. Como pode ser que a concelleira de Cultura diga que non teña competencias sobre un servizo municipal de educación musical?
O popular tamén lembrou como a alcaldesa dixo públicamente que cando se incorporase o director se impulsaría tanto a Escola Municipal de Música como a Banda. Ou non se entera de como está o servizo ou minte.
O concelleiro popular lembrou como o pasado 16 de outubro, o Concello aseguraba que o curso non comezaba porque estaba en tramitación a renovación da súa Xunta Directiva e que, unha vez nomeada, establecerían o organigrama docente e a data de inicio das clases.
A realidade é que catro meses despois é que as aulas seguen baleiras
Este é outro exemplo máis de como o PSOE e o BNG xestionan Lugo: con promesas incumpridas, falta de planificación e escusas contraditorias. A Escola de Música non pode seguir pechada mentres o goberno local mira para outro lado.
