Estas incidencias aumentaron significativamente a medida que avanzaba o ritmo das obras. Das 13 caídas rexistradas en 2023 (de marzo a decembro), pasamos a 50 caídas nos primeiros 11 meses de 2024. Este incremento reflicte a falta de seguridade axeitada durante as obras e a improvisación que está a afectar aos peóns.
O noso vicevoceiro, Ramón Cabarcos, atopa incoherente que o goberno local esté a facer obras de “humanización” sen a planificación axeitada, provocando inseguridade aos peóns e advirte que “lonxe de ser algo puntual perdurarán no tempo xa que os pavimentos seguirán rompendo porque son máis fráxiles que os que había antes”
Os populares tamén recalcaron os perxuizos que está a ocasionar ao comercio local o feito de que estén as rúas levantadas e a mobilidade limitada, especialmente en campañas como a de Nadal, a segunda que pasan nesta situación polo que proponen accións concretas para paliar esta situación e fomentar a actividade no comercio de proximidade
63 denuncias na policía dende que empezaron as obras
• A situación das obras de peonalización do casco histórico de Lugo segue xerando preocupación. Nun contexto marcado polos constantes atrasos e modificados das obras de peonalización no centro histórico de Lugo, os datos non deixan lugar a dúbidas: Entre marzo de 2023 e novembro de 2024, rexistráronse 63 informes na policía local por caídas vinculadas ao mal estado do pavimento. Desde o Partido Popular, sinalamos que esta cifra reflicte só unha parte do problema, xa que moitas outras caídas non se denuncian.
• Os populares tamén reflexionan sobre a contradición de realizar unha obras de peonalización do casco histórico de Lugo co obxectivo prioritario humanizar e favorecer a mobilidade dos peóns cando os feitos amosan o contrario:
Deterioro continuo das rúas: O tráfico que se desvía por rúas como San Marcos ou Quiroga Ballesteros provoca un deterioro do pavimento que está en condicións lamentables. Tamén observamos como vías xa peonalizadas, o pavimento é máis fráxil, cun grosor menor que o que había anteriormente polo que as baldosas que rompen constantemente, poñendo en risco aos viandantes e tamén provocando que esta situación continúe cando rematen as obras. (o deterioro das rúa perdurará no tempo)
Falta de mantemento e previsión: O goberno local non só improvisa na execución das obras, senón que non toma medidas inmediatas para reparar os desperfectos, o que agrava os riscos para os peóns
Impacto económico e social: Esta é a segunda campaña de Nadal consecutiva co centro levantado, cunha mobilidade reducida e con zonas comerciais afectadas. Isto non só afecta á seguridade dos peóns, senón que tamén prexudica gravemente e ocasiona importantes repercusións económicas aos comerciantes e hostaleiros
