O candidato do PP á alcaldía de Lugo Ramón Carballo deu a benvida ao Presidente Nacional do PP nun acto ao que asistiron preto de 300 simpatizantes, afiliados e cargos do PP tanto a nivel local, provincial, autonómico e nacional. Ramón Carballo manifestou que “Lugo está preparado para porse en marcha canto antes e para saír da parálise na que está inmersa pola nula xestión dos gobernos socialistas”. O alcaldable tamén lle dixo ao presidente nacional do PP que “non escatimará esforzos e que intentará convencer aos veciños e veciñas de que, ahora máis que nunca, é preciso un cambio de rumbo que poña ao noso municipio no lugar que se merece”.
“Sabemos que non é doado chegar á alcaldía, pero esa dificultade é precisamente o que nos motiva para facer todos os esforzos extra que sexan necesarios para acadar o noso obxectivo o próximo 26 de maio”.
