O concelleiro popular Antonio Ameijide explicou que “dende que se utiliza como aparcamento indiscriminado, o campo da festa, que é a explanada que linda coa parte posterior desta dotación veciñal próxima ao HULA, desapareceu a capa vexetal facilitando a escorrentía e provocando filtracións no edificio”
O Grupo Popular do Partido Popular reclama ao goberno local unha solución ao problema de inundacións que se produce, nos últimos tempos, no local social de Galegos. A fachada posterior deste centro veciñal linda cun terreo onde, dende que se abriu o HULA, se utiliza como aparcamento público polo que “o que era o campo da festa con vegetación se converteu, co paso do tempo, nunha explanada de terra compacta pola que esvara a auga e lama que acaba entrando no centro veciñal”.
O vicevoceiro popular Antonio Ameijide desvelou que o problema cada vez se agrava máis como consecuencia da erosión do terreo e pide ao Concello que “tome as medidas oportunas para que non se deteriore o local social”. O popular indicou como os veciños para frear a auga xa se viron obrigados a cavar dúas zanxas “unha en medio da parcela e outra pegada a edificación”
Seguridad vial.-
En Galegos tamén están moi sensibilizados coa seguridade vial xa que, dende que comezou a funcionar o HULA multiplicouse o número de vehículos que pasan a diario polo barrio e, son moitos veciños de Lugo os que utilizan estas vías para acceder ao centro sanitario. Un dos cruces máis conflictivos é o da encrucillada da rúa do Fondal coa de Castelo e a principal de Galegos “xa que carece de sinalización”. Ameijide ademáis de reclamar indicadores de dirección e sinais horizontais adecuados tamén solicita bandas reductoras de velocidade no treito que une a rúa de Galegos coa de Fondal e que os veciños reclaman pola alta velocidade coa que pasan os coches por este punto.
Pista polideportiva.-
Os populares tamén lamentan que o goberno local abandone o mantemento da pista deportiva que hai no barrio. Antonio Ameijide explicou que a porta de acceso a esta dotación está “oculta e bloqueada pola maleza polo que os veciños se ven obrigados a acceder a ela por un lateral onde a malla metálica está rota”. Outra proba da desidia dos socialistas, á hora de manter esta infraestructura, e a presenza de toxos que invaden un lateral da cancha “o que supón un problema para os xogadores cando teñen que buscar as pelotas que saen do campo”.
