Elena Candia: “Temos un reto conxunto e unimos forzas para cambiar esta realidade”
Elena Candia participou nunha acción conxunta co alcalde de Ferrol e outros cargos do Partido Popular, que se celebrou esta mañá na estación de tren da cidade departamental, para crear unha fronte común para reinvindicar a Alta Velocidade.
Este acto é a continuidade dunha folla de ruta que se marcou hai meses: “o noso obxectivo é claro: non rendernos nin darnos por vencidos: Evitar que Lugo e Ferrol sexan das poucas grandes cidades de España sen conexión coa Alta Velocidade e defender a necesidade de que as nosas cidades non queden marxinadas do Corredor de Mercadorías”.
Para contar cunha liña ferroviaria do século XXI é estratéxica a liña Ferrol – Ribadeo, tanto para a conexión das comarcas da Mariña, Ortegal e Fisterra coma para a comunicación de Galicia con Asturias e continuar cara Cantabria e Euskadi. A rede básica do Corredor Atlántico de Mercadorías debería de estar rematada en 2030 e atopámonos no momento axeitado para estudar ao detalle o Plan Director do Corredor Atlántico e promover as modificacións precisas para satisfacer as necesidades galegas.
A Presidenta do PP de Lugo e voceira do Grupo Municipal tamén destacou a importancia da unidade política: “Atopámonos nun contexto no que hai unanimidade política e isa unión hai e trasladala a Madrid para que se convirta en vontade política e orzamentaria. Da unión sae a forza e, con ela, a posibilidade de trocar esta necesidade en realidade”.
A popular subliñou a importancia do vínculo histórico entre Lugo e Ferrol, municipios irmanados que celebrarán 25 anos en 2025: “Esta conmemoración supón unha oportunidade idónea para consolidar esta alianza e traballar xuntos para conseguir os obxectivos para ambos concellos en materia de conexións ferroviarias”.
No acto lembrou como se aprobaron iniciativas no concello de Lugo, na deputación e no parlamento para que Lugo e Ferrol non queden relegadas da Alta Velocidade nin do corredor de mercadorías: “Agora queremos o apoio dos representantes do congreso e do senado para sair da marxinación na que nos atopamos con respecto ás comunicacións ferroviarias”.
