O Grupo Popular desvelou que hai uns días, á vista de que cada día que pasaba Lara Méndez aumentaba a contía das reparacións no inmoble solicitou acceso ao informe no que se baseaba. “Onte mesmo acababa o prazo para que o entregasen e non recibimos nada, algo terá que ocultar” razoan os populares.
Este anuncio de Lara Méndez coincide coa data na que se van a cumprir dous anos desde que o concello de Lugo recibiu o edificio despois de que técnicos municipais fixesen un recoñecemento e desen o seu visto e prace. “Se non estaba para recibir preguntámoslle á alcaldesa como foi tan irresponsable de incorporar ao patrimonio municipal un edificio que segundo di non reúne as garantías de seguridade necesarias. A xestión do auditorio de Lugo é un despropósito de principio a fin.
