ProposiciónSeguridadeTráfico

O pleno respalda a proposta do PP para municipalizar o guindastre

By 26 Maio, 2016No Comments

O Partido Popular  lamenta o pasotismo do goberno municipal para dalos pasos necesarios para municipalizar o guindastre, un dos servizos máis deficitarios do Concello. Hoxe conseguimos o apoio da corporación para axilizar este trámite.

Municipalización guindastre

No Pleno ordinario celebrado o 24 de setembro de 2015 adoptouse un acordo plenario, con número 10/118, relativo á municipalización do servizo de retirada de vehículos, transcorrendo oito meses dende a adopción do devandito acordo sen dar cumprimento ao mesmo, nin mostrar ningunha intención de facelo por parte do equipo de goberno.

É por isto polo que solicitamos que se dea cumprimento de forma inmediata ao acordo plenario e se inicien os trámites necesarios para asumir directamente con persoal e medios municipais o servizo, así como a aplicación do artigo 97 do Texto Refundido das Disposicións Legais vixentes en materia de Réxime Local, que recolle a necesidade de constituír unha Comisión formada por membros da Corporación e Técnicos municipais para levar a cabo os trámites e estudos necesarios para a municipalización deste servizo.

Por todo elo o Grupo Municipal do Partido Popular considera de interese municipal que o Pleno da Corporación Municipal ACORDE:

Convocar de maneira urxente e en todo caso antes de 15 días a Comisión de estudo para a municipalización do servizo de retirada de vehículos, creada a raíz do acordo número 10/118 do Pleno celebrado o 24 de setembro de 2015.

Leave a Reply

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies